Mesi është i dëmtuar, por Barcelona ka gjetur një hero të ri

17:45 | 15/09/201917:450

Barcelona duket se ka gjetur një hero të ri në vend të Lionel Mesit. Edhe pse argjentinasi ishte i dëmtuar, katalanasit fituan falë adoleshentit Ansu Fati.

Mbanin zi për diçka tjetër, por u duk se e mbanin për mungesën e kapitenit.

Lionel Mesi ishte sërish i dëmtuar, por ndaj Valencias, Barcelona gjeti një hero tjetër.

Ansu Fati, 16 vjeç, shkëlqeu si askush përpara tij në fitoren 5-2 në ligën spanjolle, sukses që e mban skuadrën katalanase pranë kreut të renditjes.

Adoleshenti i lindur në Afrikë, në Guinea Bisau, shënoi pas vetëm 111 sekondash, duke realizuar golin e tij të dytë në La Liga.

Jo vetëm kaq, por në minutën e 7-të, Fati shërbeu për Frenki De Jongun që thelloi në 2-0 epërsinë e vendasve, duke u bërë lojtari më i ri në kampionat që shënon dhe jep asist në një ndeshje të vetme.

Mesi ishte i pranishëm në stadium, dhe tepër i lumtur, ndërsa “Kamp Nou” nuk kishte ndjerë emocione kaq të forta që nga viti 2004, kur debutoi dhe shënoi adoleshenti i atëhershëm, pikërisht Lionel Mesi.

Mediat katalanase e mbuluan Fatiun me lavdërime.

“Ansu, nga cili planet vjen, – ishte titulli i gazetës “Sport”, – Fati bëri “Kamp Noun” që të bjerë në dashuri me të”.

“I mahniti të gjithë, – shkruan “El Mundo Deportivo”, – talenti 16-vjeçar luajti një tjetër ndeshje të madhe dhe doli mes ovacioneve nga stadiumi”.

Fati u bë debutuesi më I ri për Barcelonën në kampionat, kur hyri në fushë në ndeshjen ndaj Betisit, ndërsa shënoi golin e parë në La Liga në ndeshjen e barazuar 2-2 në fushën e Osasunës. /ABC News Albania 24/7

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono