Medvedev: Sanksionet amerikane një deklaratë lufte ekonomike

13:26 | 10/08/2018

Kryeministri rus Dimitri Medvedev u shpreh se sanksionet reja të mundshme amerikane ndaj Rusisë janë një deklaratë lufte ekonomike. Kreu i ekzekutivit rus shtoi se kësaj deklarate Rusia do i përgjigjet me mjete ekonomike, politike dhe nëse do të jetë e nevojshme dhe me mjete të tjera.

Rusia e konsideron një masë lufte ekonomike mundësinë e sanksioneve të reja të vendosura nga Shtetet e Bashkuara të Amerikës kundër bankave apo përdorimit të një monedhe të caktuar. Deklarata është bërë nga kryeministri rus Dimitri Medvedev, sipas asaj që raporton Agjencia Shtetërore ruse e lajmeve Tass.

Medvedev u shpreh se nuk dëshironte të komentonte diskutimet për sanksionet e reja, por nëse do të vendosen ndaj bankave atëherë kjo do të përbënte një deklaratë të vërtetë lufte ekonomike.

Shtetet e Bashkuara të Amerikës deklaruan të mërkurën e kaluar se do të vendosnin sanksione të reja ndaj Rusisë deri në fund të muajit gusht me akuzën se ka përdorur gaz nervin kundër një ish-agjenti sekret rus Sergei Skripal, dhe vajzës së tij në Britaninë e Madhe.

Sanksionet do të prekin pasuri që lidhen me sigurinë kombëtare. Shtetet e Bashkuara të Amerikës përmendën dhe një seri të dytë sanksionesh pas 90 ditësh, nëse Rusia nuk do të japë prova bindëse se nuk do të përdorë më armë kimike. /abcnews.al





Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono