Mbyllen aplikimet për SPAK

09:42 | 22/02/2019

Dita e djeshme ka shënuar edhe mbylljen e aplikimeve për Strukturën e Posaçme kundër Korrupsionit dhe Krimit të Organizuar, SPAK. Janë 27 prokurorë të cilët kanë aplikuar për t’u bërë pjesë e këtij këshilli, ku do të përzgjidhen vetëm 15 kandidatë.

Mes aplikantëve është edhe drejtuesja e Prokurorisë së Krimeve të Rënda, Donika Prela. Aplikimet kanë nisur më 6 Shkurt, ndërsa sikurse ka deklaruar pak ditë më parë kreu i Këshillit të Lartë të Prokurorisë Gent Ibrahimi, struktura e Posaçme Antikorrupsion mund të nisë së funksionuari brenda muajit Qershor.

Kriter kryesor për aplikimin e kandidatëve për SPAK ishte eksperienca mbi 10 vite pune si dhe mospasja e asnjë mase disiplinore në fuqi. Prokurorët e posaçëm emërohen nga Këshilli i Lartë i Prokurorisë, pasi janë filtruar nga Inspektoriati i Pasurisë dhe Autoriteti i Sigurisë Kombëtare, për një mandat nëntë vjeçar.

Deri tani mësohet se vetëm 5 prej kandidatëve e kanë kaluar procesin e Vettingut, ndërsa edhe kandidatët e tjerë duhet t’u nënshtrohen filtrave të Vettingut./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono



TE FUNDIT