Mashtronte qytetarët për legalizimet e banesave, arrestohet  26 vjeçarja

11:29 | 24/08/201911:290

Një 26 vjeçare me banim në Tiranë me inicialet A. D ka rënë nën prangat e policisë pasi përfitonte para në këmbim të ndihmës për të legalizuar banesën. Për gati dy vjet në mënyrë të vazhdueshme 26 vjeçarja me anë të mashtrimit i ka marrë rreth 500 mijë lekë të reja shtatasit me iniciale B.P. Në këmbim i ka premtuar se me anë të njohjeve në zyrën e legalizimit do të ndikonte që ky të përfitonte legalizimin e banesës. Specialistët e Hetimit të Krimit Ekonomik dhe Financiar në drejtorinë e Elbasanit pasi ranë në gjurmët e saj bënë ndalimin e 26 vjeçares.

Ndërkohë specialistët për Hetimin e Krimit Ekonomik e Financiar, në DVP Elbasan kanë proceduar penalisht për veprën penale “Shpërdorimi i detyrës“,  shtetasen M. T,  si dhe shtetasin F.B, për veprën penale “Falsifikimi i vulave, i stampave ose i formularëve“.

Shtetësja  M.T, është punonjëse e zyrës së ndihmës ekonomike në Njësinë Administrative Tregan,  Elbasan dhe ka plotësuar në sistem formularin e deklarimit të F.D, duke mos bërë verifikimet e duhura në terren dhe për pasojë shtetasi F. D. ka përfituar ndihmë ekonomike në mënyrë të padrejtë, pasi ky shtetas  kishte deklaruar të dhëna të falsifikuara me qëllim përfitimin e ndihmës ekonomike. /abcnews.al,

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono