Masakra në Zelandën e Re, autori del para gjykatës

08:56 | 16/03/2019

I buzëqeshur para fotografëve madje duke bërë dhe gjestin e supremacistëve të bardhë. Në këtë mënyrë është prezantuar në seancën e tij të parë gjyqësore, autori i masakrës në Zelandën e Re.

Është zhvilluar seanca e parë gjyqësore për Brenton Harrison Tarrant, australianit 28-vjeçar, i akuzuar për vrasje për masakrën e kryer në xhaminë e Christchurch. Tarrant është paraqitur në sallën e gjyqit, i veshur me uniformën e bardhë të të burgosurve, pranga në duar dhe zbathur. Ai u ka buzëqeshur fotografëve të shumtë të pranishëm në sallë, dhe i shoqëruar gjatë gjithë kohës nga dy agjentë policie ai bëri gjestin e supremacistëve të bardhë para objektivëve të aparatit fotografik.

Tarrant do të qëndrojë në burg deri në seancën e radhës në 5 Prill pa të drejtë apelimi. Ndërkohë kryeministrja e Zelandës së Re, Jacinda Ardern, premtoi në konferencë për shtyp se ligjet për armët do të ndryshojnë. Ajo shtoi se niveli i alarmit në vend mbetet i lartë dhe si pasojë do të ndërmerren masa shtesë sigurie në lidhje me trafikun ajror dhe kufirin./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono