Marrëveshje mes Salvinit dhe Moskës

12:40 | 11/07/2019

Pas të përjavshmes italiane ‘Espresp” dhe amerikania Bazfif pretendon se Lega e Mateo Salvinit ka marrë me miliona dollar financime nga Rusia. Por ministri I brendshëm Italian hodhi poshtë akuzat duke thënë se do hidhte në gjyq të gjithë ata që bëjnë akuza të tilla

Një marrëveshje mes të dërguarve të Mateo Salvinit dhe disa rusëve për të negociuar një financim milioner të Moskës për Legën. Fillimisht ishte një eksluzive e të përjavshmes italiane “Espresso” e konfirmuar tashmë dhe nga uebsajti amerikan BuzzFeed.

Në 18 tetorin e kaluar Xhanluka Savoini, një person shumë pranë liderit të Legës, u takua me pesë persona, dy italianë dhe tre rusë në hotelin Metropol të Moskës. Në audion e publikuar nga BuzzFeed, flitet për negociata për marrëveshjen sipas së cilës do të dërgoheshin miliona dollarë të përfituara nga nafta ruse për partinë e Salvinit nëpërmjet një kanali sekret. Savoini shprehet në anglisht duke thënë së në muajin maj do të ketë zgjedhje në Europë. “Ne duam të ndryshojmë Europën shprehet ai duke shtuar se një Europë e re duhet të jenë pranë Rusisë si më parë pasi duhet rimarrë në dorë sovraniteti. Salvini është i pari që do të ndryshojë Europën, thekson ai më pas. Së bashku me aleatët në Europë. Në regjistrim Salvini përshkruhet me entuziazëm nga rusët si Trumpi evropian.

Vetë Savoini deklaroi për mediat italiane se bëhej fjalë vetëm për një takim mes sipërmarrësish dhe se ekzistojnë aplikacione të cilat falsifikojnë audiot

Por dhe Salvini ka reaguar menjëherë duke thënë se do të hedhë në gjyq të gjithë ata që hedhin akuza të tilla pasi ai nuk ka marrë as një dollar dhe as një litër vodkë financim nga rusët./ABC News Albania 24/7


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono