Marrëveshja për demarkacionin përçan koalicionin në Kosovë


12:03 | 07/12/2017

Partia e kryeministrit të Kosovës Ramush Haradinaj, Aleanca për Ardhmërinë e Kosovës nuk mbështet marrëveshjen aktuale për demarkacionin me Malin e Zi duke bërë që koalicioni qeverisës të mos mundësojë dot 80 votat që i duhen për miratimin e saj në parlamentin e vendit

Marrëveshja për Demarkacionin me Malin e Zi përkrahet vetëm nga partneri i madh i koalicionit qeverisës në Kosovë, por jo nga partia e kryeministrit Haradinaj dhe nga Nisma për Kosovën. Mediat kosovare shkruajnë se projektligji për ratifikimin e Marrëveshjes së Demarkacionit me Malin e Zi bashkë me raportin e Komisionit Shtetëror për Shënjimin e Kufirit prej disa ditësh po qëndrojnë në “sirtarët” e Kuvendit. Ende nuk është vendosur se kur do të jetë në rend të ditës votimi i kësaj marrëveshjeje, në mungesë të 80 votave të nevojshme të deputetëve për ta miratuar. Marrëveshjen për Demarkacionin aktualisht e përkrahin deputetët e PDK-së, sipas deklaratave të kreut të saj Kadri Veseli, si dhe shumica e deputetëve të LDK-së, ndërsa kundërshtohet nga partia e kryeministrit Haradinaj (AAK), nga lëvizja “Vetëvendosje”, si dhe Nisma për Kosovën me arsyetimin se humbasin mijëra hektarë tokë, të cilat i merr Mali i Zi. Zyrtarë të Qeverisë së Kosovës kanë deklaruar për gazetën “Zëri” se tashmë u mbetet deputetëve të Kuvendit të Kosovës të vendosin për këtë çështje./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono