Marikaj në programin “100 fshatrat”/ Rama: Regjistër dixhital për ullinjtë

15:58 | 21/10/2018

Për ullinjtë e vjetër disa qindra vjeçarë do të bëhet një regjistër i veçantë dixhital. Ky lajm u dha nga kryeministri Edi Rama gjatë vizitës në Marikaj pjesë e programit 100 fshatrat në të cilën ndodhet edhe një pemë rreth 2 mijë vjeçare.

Marikaj është pjesë e programit 100 fshatrat. E njohur në Tiranë për rritjen e ullinjve disa qindra vjecarë, kryeministri Edi Rama vizioi një ndër sipërmarrjet për përpunimin dhe prodhimin e vajit të ullirit të virgjër dhe ekstra të virgjër.

Kreu i qeverisë u njoh nga drejtuesit e kompanisë se vitet e fundit kanë rritur investimin në teknologji, duke e barazuar atë në standarde me fabrika të ngjashme në vendet europiane. Paralelisht janë rritur kapacitetet prodhuese dhe është shtuar numri i punonjësve, kjo falë edhe masave lehtësuese të ndërmarra nga qeveria në mbështetje të biznesit- thanë ata.

Sipërmarrësit treguan se ullishta e asaj zone është një aset i vërtetë përsa i takon varieteve që rriten dhe lashtësisë së tyre. Varieteti kryesor është ulliri kalinjot, një ulli me vlera të mëdha ushqimore e anti-kancerogjene.

“Meqë tek ullishtja ne nuk shkonim dot, unë dua të të tregoj pemën më të vjetër që ne kemi atje, është mbi 2000 vjeçare. Në pjesën e Surrelit dhe andej keni pemë që janë shumë të vjetra. Tirana ka një lloj kurore rreth 300 mijë rrënjë mbi 1 mijë vjeçare. Ne donim vërtetë të bënim diçka për këto se janë monumente natyre që japin vlerë të jashtëzakonshme.”

Sipërmarrësit i kërkuan ndër të tjera Kryeministrit, përmirësimin e infrastrukturës përreth objekteve, të cilat kanë vlera të veçanta kulturore dhe përbejnë interes për turizmin

Sipërmarrës: “Zoti kryeministër unë kam një kërkesë. Ne kemi kishën më të vjetër. Tek zona këtu, shkon nga pjesa e Marikajt, ngjitet tek ullishta jonë dhe ngjitet për në Kuç sipër. Nuk bën pjesë as tek monumentet e kulturës e as nuk shkon rruga. Do ishte një kërkesë e veçantë për pjesën e turizmit. Marikaj është pjesë e programit 100 fshatrat.”

Rama: “Prandaj kemi ardhur këtu dhe prandaj është dhe pjesë e 100 fshatrave, sepse ka disa elementë që përmbush kriteret, jo vetëm në aspektin e produkteve, por dhe në aspektin e të kaluarës dhe trashëgimisë. Ndërkohë që për këtë çështjen e ullinjve të vjetër do të bëjmë një regjistër të veçantë të dixhitalizuar me numër që mos guxojë t’i preki njeri. Janë, por të bëjmë regjistrin.”

 



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono