Marantas: I mbështes drejtuesit për Filin, ju tregoj të vërtetën për holandezin!

14:34 | 08/11/201914:340

Giorgos Marantas, trajneri i Luftëtarit, ka dalë ditën e sotme në konferencë për shtyp dhe ka folur për takimin e radhës me Teutën dhe jo vetëm. Greku që drejton bluzinjtë foli për repartin sulmues të skuadrës së tij, presionin që kanë për pikët, mungesat që Luftëtari ka dhe sqaroi edhe kalimin e mbrojtësit holandez, Cerezo Helgen, te ekipi i moshave. Marantas bëri një koment edhe në lidhje me dënimin e Filit.

SULMI – “Dushkaj ka luajtur me Partizanin dhe Tiranën si sulmues. Një koleg i juaji më tha që nuk patëm asnjë rast me Tiranën. Nuk është çështje vetëm e Dushkaj, është e gjithë ekipit. Ndeshja me Tiranën duhet harruar, nuk krijuam raste. Me Partizanin bëmë volum loje, ndeshje të mirë dhe krijuam raste. Ngaqë nuk morëm rezultat të mirë me Partizanin, nesër luajmë për pikë kundër Teutës. Kemi punuar që lojtarët të jenë të përqendruar për këtë ndeshje. Besoj se do japin maksimumin që të marrim rezultat”.

PRESIONI I PIKËVE – “Presioni nuk është vetëm te kjo ndeshje, por tek të gjitha. Ne do luftojmë për të marrë rezultat pozitiv. Nga pozicioni që kemi duket që kemi presion për pikët, pasi na duhen. Do mundohemi nesër të marrim më të mirën”.

MUNGESAT – “Na mungojnë Demo dhe Rapo, janë lojtarë me eksperiencë. Siç e kam thënë edhe më parë, unë punoj me lojtarët që kam në dispozicion. Edhe tifozët duhet të mbështesin lojtarët që do të luajnë nesër. Vazhdimisht luajmë me mungesa, sidomos me Demon që nuk do të jetë në disa ndeshje prej dëmtimit”.

RIVALI – “Teutën e njohim shumë mirë. I pashë direkt me Tiranën. Kanë lojtar me eksperienca dhe janë një ekip shumë i mirë. Ne shikojmë ekipin tonë. I kemi mundësitë, ua kam thënë edhe lojtarëve, që të marrim pikë. Do tentojmë me të gjitha mënyrat të marrim pikë në ndeshjen e nesërme”.

TË DËNUARIT – “E kam thënë mendimin tim për Filin edhe më parë. Jam pro vendimit që ka marrë presidenca, pasi një lojtar që bie në kundërshtim me tifozët nuk mund të luajë në asnjë ekip, jo vetëm në ekipin tonë. Sa i takon Cerezo (Helgen), ishte një vendim i imi që të stërvitej veçmas dhe të vijë në një formë të mirë fizike. I kam thënë të stërvitet dy herë në ditë. Ai kërkoi që të shkonte me ekipin U19, nuk e dërguam ne”. /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono