Maqedoni, si do të bëhet pajtimi politik?

17:04 | 17/11/2018

Kryeministri i Maqedonisë, Zoran Zaev shprehet i bindur që Nikolla Gruevski do të kthehet në vend. Ndërsa kryetari i BDI-së Ali Ahmeti duke folur rreth mundësive për amnisti, tha se koalicioini qeverisës po shqyrton disa praktika amerikane dhe evropiane.

Kryeministri Zoran Zaev ka deklaruar se ish pararendësi i tij Nikola Gruevski, i cili iku në Hungari ku ka kërkuar azil politik, do të kthehet në Maqedoni, njësoj si ish kryeministri kroat Ivo Sanader i cili qe dënuar për korrupsion dhe ishte larguar nga Kroacia, por që pas një viti iu dorëzua autoriteteve kroate.

Në intervistën dhënë TV Alsat, Zaev ka folur edhe për debatet dhe dilemat nëse do të ketë apo jo amnisti. Më herët, para tij, kryetari i Bashkimit Demokratik për Integrim, Ali Ahmeti, pranoi në Klan debat se koalicioni qeverisës po shqyrtëzon praktika të vendeve evropiane dhe të Shteteve të Bashkuara lidhur me rastet e përgjimeve.

Kryeministri Zoran Zaev,në intervistën dhënë Alsat-it ka pranuar se i përket parlamentit që në kuadrin e kompetencave të ofrojë zgjidhjen e pranueshme për idenë e tij për falje e pajtim, por nuk ka përjashtuar as mundësinë e një amnistie për personat e implikuar në ngjarjet e 27 prillit të vitit të kaluar, me përjashtim të aktorëve kryesorë që morën pjesë në dhunën e ushtruar. Gjithë kjo, si pjesë e asaj që kryeministri e quan pajtim politik e që nuk nënkupton anashkalimin e shtetit të së drejtës.

Po për këtë çështje, por edhe kontekst të megaskandalit të përgjimeve, më herët, në Klan debat foli edhe kryetari i BDI-së, Ali Ahmeti. Sipas tij, me qëllim të tejkalimit të gjendjes së krijuar, po shqyrtohen praktikat në vende e kontinente të tjera.

“Jo të falet ai që ka bërë krimin, por të shihet edhe njerëzit të cilët kanë qenë të përfshirë, por pa u njëllosur, apo pa i lyer duart të shprehemi kështu radikalisht me gjak. Raste të tilla ka pasur në Çeki, në Afrikën e Jugut, por pse mos të themi që është edhe rasti i Watergate në mes të SHBA-ve”, tha Ahmeti.

Edhe Ali Ahmeti, edhe Zoran Zaev, kanë folur për përpjekje të vështira që rezultuan me krijimin e shumicës së dy të tretave. Kreu i integristëve madje është i mendimit se e vërteta për këtë do të dalë sheshit, pas disa dekadash.

Sidoqoftë, tash kur ish-kryeministri Nikola Gruevski mori rrugën prapa diellit dhe kur njerëz të konsideruar si të tajfës së fij kanë nisur të flasin më açik për atë që ndodhi, është për t’u pritur që të ofrohet një model afrim-pajtimi i cili parashikohet se mund ta fus vendin në ujra më të qetë drejt integrimit të plotë euro-atlantik./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono