Maqedoni, opozita kundërshton pr/ligjin për censusin

19:05 | 10/06/201919:050

Opozita në Maqedoni ka kundërshtuar ligjin për regjistrimin e popullsisë. Partia VMRO-DPMNE ka shprehur pakënaqësinë e saj ndaj këtij ligji dhe ka paralajmëruar me bojkot në procedurat e mëtejshme për miratimin e tij.

Deri tani heshtën për ligjin për regjistrimin e popullsisë, e kur ai hyri në procedurë parlamentare, opozita vendosi ta ngrejë zërin dhe të kërcënojë me bojkot. Situata e krijuar e detyroi institucionin ligjdhënës që ta anulojë seancën e Komisionit për çështje evropiane, dhe ta shtyjë për të premten.

“Nëse pushteti vazhdon të insistojë për një zgjidhje të tillë ligjore, pa i dëgjuar argumentet e opozitës, pa kyçjen e VMRO DPMNE-së në hartimin e këtij ligji, pa kohë të mjaftueshme për një debat të vërtetë, ekziston mundësia që regjistrimi i popullsisë të bëhet pa pjesëmarrjen e VMRO-DPMNE-së”, tha Naum Stoilkovski, zëdhënës i VMRO DPMNE-së.

LSDM-ja bën thirrje opozitës që debatin dhe vërejtjet për ligjin ti adresojë në Kuvend.

“Unë pres që të gjitha partitë politike ta kuptojnë rëndësinë dhe thelbin e regjistrimit të popullsisë. Pres që edhe VMRO DPMNE të marrin guximin dhe të heqin dorë nga qëllimi për bojkotim”, deklaroi Kosta Kostadinov, zëdhënës i LSDM-së.

Me reagimin e VMRO DPMNE-së janë të habitur edhe nga Enti shtetëror për statistika.

“Ligji u është dhënë në formë të shkruar partive politike parlamentare. Nuk kishim asnjë reagim dhe sinqerisht jam i habitur nga ky reagim i opozitës”, theksoi Apostoll Simovski, Enti Shtetëror për Statistika.

Mërgimtarët nuk ka nevojë që të kthehen për tu regjistruar. Do të kenë dy muaj për tu regjistruar në aplikacionin online, e nëse nuk e bëjnë këtu, u mbetet edhe një mundësi tjetër, që të paraqiten nga më të afërmit e tyre./ABC News Albania 24/7

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono