Maqedoni, LSDM: Jemi pranë një pakti me opozitën

23:27 | 18/10/2018

Maxhoranca në Maqedoni thotë se është më pranë një pakti me opozitën për ndryshimet kushtetuese që kërkohen në bazë të impolementimit të marrëveshjes së Prespës. Por nga ana tjetër, lideri i opozitës thotë se ky akord ka vdekur.

Lidhja Socialdemokrate në Maqedoni beson se është më afër marrëveshjes me deputetët opozitar se sa zgjedhjeve të parakohshme parlamentare. Koalicioni socialdemokrat i bëri thirrje kolegëve opozitarë që të mbështesin ndryshimet kushtetuese dhe të marrin pjesë në hartimin e amendamenteve. “Fokusohemi në ndryshimet kushtetuese dhe nuk shohim plan B”, thuhet në një njoftim të maxhorancës.

Ndërsa nga ana tjetër, Kreu i partisë më të madhe opozitare në Maqedoni nuk i lë shpresa qeverisë së Zoran Zaevit se do ta mbështesë në Parlament për ndryshimet kushtetuese. “Marrëveshja e Prespës ka vdekur”, tha për Deutsche Welle lideri i VMRO-DPMNE-së, duke treguar qartë se forca politike që drejton nuk do ta përkrahë paktin historik të emrit me Greqinë, që do t’i hapte vendit rrugën e integrimit në NATO e BE.

Debati në Parlament për ta aprovuar ose jo këtë marrëveshje do të vijëj dhe për disa ditë. Zaev po përpiqet që të arrijë shumicën e nevojshme të dy të tretave, por nuk i ka votat dhe i duhet të bindë të paktën 10 deputetë opozitarë që t’i japin paktit dritën jeshile. Mickoskin dhe partinë e tij nuk i lëkundi as letra personale e asistentit të Sekretarit Amerikan të Shtetit për Çështjet Europiane dhe Euroaziatike, Wess Mitchel, i cili përcillte zhgënjimin e Uashingtonit me pozicionet e lidershipit të VMRO-DPMNE-së në lidhje me referendumin dhe hapat në Parlament për të ndryshuar kushtetutën./abcnews.al




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono