Manchester City, dy pikë larg Liverpool-it

23:30 | 25/08/201923:300

Manchester City u afrua sërish me kreun e renditjes në Premier Ligë, pas fitores arritur jashtë fushe. Sulmuesi argjentinas, Aguero, ishte më i miri për ekipin e Guardiolës, duke shënuar dy gola.

Kampionët as nuk mund të mendohen që të dorëzohen lehtë. Mançester Siti iu rikthye fitoreve dhe u afrua në vetëm 2 pikë diferencë me Liverpulin kryesues, pas suksesit 3-1 arritur në fushën e Bournemouth-it.

Liverpool-i ka 9 pikë, ndërsa City, 7. Sergio Aguero ishte më i miri i kampionëve, me dy gola të shënuar, ndërsa Raheem Sterling realizoi një tjetër.

Epërsia e skuadrës së Pep Guardiolës ishte e dukshme, ndonëse ndeshja nuk ishte edhe aq e lehtë, pasi skuadra vendase luftoi fort dhe rezultati mund të kishte qenë tjetër.

Gjithsesi, formacioni nga Manchester-i ia doli ta përballonte presionin dhe të godiste në momentet e duhura, duke qenë tepër efikas.

Guardiola duhet të ketë mbetur i kënaqur me paraqitjen e lojtarëve të tij, të cilët reaguan me klas pas barazimit zhgënjyes ndaj Totenhemit javën e kaluar në stadiumin “Etihad”.

E sigurt duket që rivaliteti mes Manchester City e Liverpool-it do të vazhdojë edhe këtë edicion, ndoshta deri javën e fundit, siç ndodhi vitin e kaluar. City do të synojë të fitojë titullin e tretë radhazi, ndërsa Liverpool-i t’i japë fund 30 viteve pa trofe në kampionat.

Dy skuadrat, me gjasë, do të jenë konkurrente edhe në Champions, ku Liverpuli triumfoi në maj, ndërsa Guardiola do të kërkojë kupën e parë që nga viti 2011./ABC News Albania 24/7

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono