Magjistratët, Balla: Kushti i deritanishëm i opozitës ishte anulimi i ligjit për teatrin

15:45 | 23/07/201815:450

Në përmbyllje të seancës së fundit parlamentare deri në muajin Shtator, mazhoranca votoi ligjet për të cilat ka votat e mjaftueshme për miratim. Në përfundim, kreu i grupit parlamentar socialist Taulant Balla, tha se ende nuk e kupton arsyen e mos-votimit nga opozita, të atyre ligjeve që kërkojnë edhe votat e tyre në parlament.

Në përfundim të seancës së fundit për këtë sesion parlamentar, kreu i grupit socialist, Taulant Balla i pyetur lidhur me kushtet e vendosura nga Partia Demokratike për votimin e ligjit për magjistratët, edhe pse i painformuar mbi to, përgjigjen nuk e rezervoi.

“Ne kemi folur zyrtarisht me opozitën dhe kanë thënë që duhet tërhequr ligji për teatrin, nuk di për shtatë kushtet, nuk e kuptoj lidhjen mes ligjit për teatrin dhe atij të magjistratëve”.

Opozitën e do në sallë për të votuar ligjet të cilat kërkojnë 3/5-tat e votave në parlament, ku përpos ligjit për magjistratët, ishte edhe ai për Kodin Rrugor, të dy tashmë të shtyrë për votim për muajin shtator kur nis edhe sesioni i ri parlamentar.

Në këtë seancë të fundit parlamentare, mazhoranca edhe pse me vota të mjaftueshme për të miratuar projektligjin për avokatinë, i diskutuar prej muajsh në komisionin e ligjeve, vendosi shtyrjen e tij për ri-kthim në fazë konsultimi me misionet mbështetëse Euralius dhe Opdat. Një vendim i rëndësishëm ishte ai i votimit për zgjatjen e afatit të punimeve të komisionit për reformën zgjedhore me tre muaj./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono