Luftëtari refuzohet nga Milinkoviç, klubi synon Julian Ahmatajn

13:16 | 29/01/201913:160

Luftëtari po përpiqet të gjejë trajner tjetër pas largimit të Gentian Mezanit. Klubi gjirokastrit dështoi për të kthyer në stol, ish-trajnerin Mladen Milinkoviç

Koha nuk pret për të gjetur njeriun e ri të stolit. Luftëtari do të jetë i detyruar të prezantojë trajnerin e katërt në vetëm 7 muaj, por shqetësimi kryesor është gjetja e një kandidature të përshtatshme.

Emri më i mundshëm duket se është ai i Julian Ahmatajt, trajnerit që drejtoi Kamzën në gjysmën e dytë të sezonit të kaluar. Gjithsesi, më herët, mësohet se presidenti Tavo bëri një përpjekje për të kthyer në krye të ekipit, ish-trajnerin Mladen Milinkoviç.

Serbi pati ecuri pozitive në Gjirokastër, madje më pas kaloi tek skuadra kampione e Kukësit, por përgjigja e tij ishte negative. Milinkoviç vuri kusht që t’i jepeshin 15 000 euro që, pretendon se ia kanë borxh, dhe për të cilat thotë se ka fituar gjyqin në FIFA.

Largimi i trajnerit Gentian Mezani e kapi disi në befasi klubin gjirokastrit, që duhet të veprojë shpejt, pasi të dielën ka një ndeshje shumë të vështirë në fushën e Laçit. Mezani iku pas humbjes së rëndë pësuar në sfidën e fundit të Superligës, ndaj Kastriotit në Gjirokastër, dhe pas konferencës për shtyp të dhënë pas takimit. Vlonjati deklaroi se Luftëtarit i duhen përforcime, veçse kriza financiare duket se nuk e lejon një gjë të tillë.

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono