VIDEO/ Lufta II, si e sabotuan grekët rikthimin e Zogut në pushtet

22:55 | 18/01/202022:550

Pas sulmit e pushtimit italian, të 7 prillit 1939, Mbreti Zog, u largua nga Shqipëria me rrugë tokësore, duke përshkuar mes përmes Europën me një “Mercedes Benz” të dhuruar nga Adolf Hitleri.

Duke shmangur territoret e kontrolluara nga Gjermania aleate e Musolinit, ai u vendos fillimisht në Francë dhe përfundimisht në Angli.

I konsideruar si kundërshtar dhe viktimë e fashizmit, Mbreti Zog gjithkund u prit si një hero, për më tepër, më herët evropianët kishin lexuar edhe për rezistencë të tij, në male, me armë në dorë.


Historia e tij dhe sidomos e bashkëshortes së tij tërheqëse, e detyruar të largohej lehonë, me të birin e sapolindur, u kishte thyer zemrat gazetarëve. Për këto arsye arratia e Mbretit të shqiptarëve, për shkak të pushtimit fashist, u bë temë e parapëlqyer e mediave, duke i siguruar Zogut një simpati popullore.

Por përtej pasionit të mediave, krerët e shteteve Aleate, sidomos britanikët, do e konceptonin me antipati Mbretin e vetëshpallur të shqiptarëve.

Ai do të lihej në hije, megjithë përpjekjet e lobimet, megjithë ofertat e pakursyera, ndonjëherë të ekzagjeruara. Bashkë me të, në hije do të lihej edhe fati i Shqipërisë së pushtuar nga fashistët, duke u vënë në diskutim madje edhe kufijtë e para vitit 1939.

Por përse britanikët u pozicionuan në këto qendrime që do i kushtonin shumë një kombi të tërë ?

Përse Mbreti Zog, i konsideruar si figura më popullore ndër shqiptarët, u la në hije dhe u defaktorizua, duke u bërë shkas që në terren të lindnin e fuqizoheshin forca të tjera politike, siç ishin komunistët?

Cili ishte roli i Greqisë fqinje dhe përse britanikët nuk bënin asnjë hap pa u konsultuar me aleatët e vjetër helenë?

Pikërisht përgjigjet që marrin këto pyetje sjell dokumentari më i ri i ciklit Abc/Story.

/abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono