“Liria e medias”, Luan Rama: KE e tha qartë, Kuvendi të shpëtojë imazhin e vendit

11:48 | 22/01/202011:480

Zëvendës kryetari i Lëvizjes Socialiste për Integrim, Luan Rama në një deklaratë për mediat u shpreh se kufizimi i lirisë së medias përbën një problem të madh për shoqërinë shqiptare.

Sipas tij realiteti i sotëm në të cilën gjendet media është shumë më i rëndë.

Luan Rama duke cituar reagimin e Komisionit Europian deklaroi se Kuvendi ka mundësinë të shpëtojë imazhin e vendit.

“Fakti që Presidenti i Shqipërisë ka kthyer ligjin në parlament e shohim si mundësi për ti pranuar ato”, ishte ky reagimi nga KE, ndërsa Luan Rama thotë se apeli është i qartë dhe se Kuvendi i Shqipërisë që sipas tij është turpi i Shqipërisë ka një mundësi ta shpëtojë imazhin e vendit, ta heqë këtë problem që po krijon aventura e qeverisë.

“Jam këtu për të sjellë në vëmendjen tuaj nga Komisioni Europian, cili i bën apel qeverisë shqiptare, Kuvendit, që ta shfrytëzojë të drejtën kushtetuese të presidentit si një oportunitet, mundësi për të hequr dorë nga marrëzia, aventura, e cënimit dhe e kufizimit të lirisë së shprehjes. Më konkretisht zëdhënësja Ana Pisonero shprehet; Ne e kemi bërë të qartë (KE) se BE mbështet rekomandimet e Këshillit të Europës për ligjin e medias. Ato janë të vlefshme dhe duhen adresuar. Fakti që Presidenti i Shqipërisë e ka kthyer ligjin në parlament, e shohim si mundësi që të rishihet”, tha Rama.

/abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono