Ligji i Gjuhëve/ Merren në mbrojtje deputetë të LSDM

13:39 | 16/03/201813:390

Në Maqedoni vazhdojnë reagimet kundër miratimit të ligjit të gjuhëve. Protestues të shumtë kanë kërcënuar disa nga deputetët e LSDM-së në banesat e tyre. Këta të fundit janë marrë në mbrojtje nga policia

Janë marrë masa sigurie nga policia maqedonase pranë disa prej shtëpive të deputetëve të LSDM-së, të cilët votuan pro miratimit të ligjit të gjuhëve në parlament duke e bërë gjuhën shqipe gjuhë zyrtare. Qindra qytetarë u mblodhën në Veles para shtëpisë së deputetit të LSDM, Pance Ivanov, duke hedhur akuza për tradhëti. Një protestë e ngjashme është mbajtur dhe në Prilep.

Ndërkohë prifti maqedonas Agatangel ka reaguar për votimin e ligjit për përdorimin e gjuhëve duke thënë se populli ortodoks është i tmerruar nga dhunimi i demokracisë, që sipas tij është organizuar nga kryetari i parlamentit, Talat Xhaferi. Prifti u shpreh se mbështet plotësisht presidentin e Maqedonisë, Ivanov, që të mos nënshkruajë dekretin e ligjit antishtetëror dhe antikushtetues, i cili u miratua në mënyrë jo civile. Ai më tej shtoi se deputetët që e votuan Ligjin e Gjuhëve nuk mund të konsiderohen si përfaqësues të popullit, pasi sipas tij, kanë shkelur rendin kushtetues.

Sloganet ksenofobe kundër shqiptarëve në muret rrethuese të Institutit të Trashëgimisë Shpirtërore e Kulturore të Shqiptarëve në Shkup kanë tronditur opinionin publik.

Ndaj tyre reagoi dhe ministria e Jashtme e Shqipërisë, duke shprehur indinjatën e thellë për gjuhën e urrejtjes që ushqehet. Në deklaratën për shtyp thuhej se kjo është e disata herë që institucionet kulturore që ruajnë dhe pasqyrojnë historinë, traditat, gjuhën dhe kulturën shqiptare në Maqedoni dhunohen qëllimisht e në mënyrë të papranueshme nga akte, të cilat kërkojnë të mbjellin urrejtje, përçarje e të nxisin tensione mes komuniteteve.

Këto akte, pikërisht në momentet kur afrimi dhe kohezioni ndëretnik njeh hapa progresi drejt forcimit të mëtejshëm janë sulm i drejtpërdrejtë ndaj paqes, stabilitetit e harmonisë ndëretnike në vendin fqinj, thuhet më tej. Ministria për Europën dhe Punët e Jashtme të Republikës së Shqipërisë u kërkoi autoriteteve të Maqedonisë zbardhjen sa më shpejt të këtij akti vandal, hetimin dhe vënien para përgjegjësisë të autorëve të këtyre sulmeve, të cilat bien ndesh e cënojnë frymën e bashkëjetesës dhe harmonisë në Maqedoni e në gjithë rajonin./abcnews.al


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Të lidhura

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono