Lefter Maliqi në interpelancë me ministren Gjonaj

13:15 | 16/05/2019

Deputeti i grupimit demokratik në Kuvendin e Shqipërisë, Lefter Maliqi, zhvilloi një interpelancë me ministren e Drejtësisë Etilda Gjonaj për gjendjen e sistemit të burgjeve në vend. Maliqi, i drejtoi ministres disa pyetje lidhur me mënyrën e rekrutimit të stafit drejtues, por edhe shpërblimit të tyre.

Mënyrën e përzgjedhjes së stafit në sistemin e burgjeve, Lefter Maliqi ja kërkoi ministres së drejtësisë Gjonaj, duke i referuar si shembull kundër, drejtorin e përgjithshëm aktual.

 Maliqi: “Ju për të marrë një polic kaloni disa testime dhe kërkoni edhe vlerësime personaliteti dhe i lironi më pas me vërtetime personaliteti. Pyetja ime është: Këta drejtues që janë me firmën tuaj, ju i kaloni në sitë?”

Gjonaj: “Në vitin 2018 ndryshoi tërësish situata e stafit policor dhe atij civil. Procedura e rekrutimit të policisë së burgjeve tashmë është përfshirë edhe në paketën financiare. Nuk do të ngelet thjesht në vullnetin e një ministri për të zbatuar një marrëveshje me Ministrinë e Brendshëm apo me Akademinë e Sigurisë, por do jetë e sanksionuar në ligj, ligj i cili do të vijë shumë shpejt për diskutim dhe miratim ne Kuvend”. 

Maliqi: “Çfarë shkolle ka mbaruar pasi më rezulton se deri në 2001 ka qenë polic? A e keni parë të kaluarën e tij, është liruar për bashkëpunim në përgjim”.

Gjonaj: “Ashtu si drejtorët e çdo burgu ka kaluar në sitë dhe më pas në intervistë. Në këtë mënyrë edhe drejtorët e përgjithshëm janë verifikuar, për sa i përket integriteti, profesionalizmit”.

Maliqi: “Edhe Ruçi de i edhe Balla e di edhe Gjiknuri e di edhe Qefaliaj e di dhe Stërkaj e di dhe të tërë e dinë dhe ngrenë duar dhe më thonë ke shumë të drejtë. I kam takuar të gjithë dhe më thonë e kemi vënë ne dhe nuk e dimë se si u vu aty”.

Ministrja njoftoi mbylljen e dy burgjeve për shkak të amortizimit, atë të Krujës dhe Sarandës./ABC News Albania 24/7



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono