Lebron Xhejms i pandalshëm këtë sezon


18:21 | 07/12/2017

Lebron Xhejms u tregua edhe një herë vendimtar për Klivlendin në basketbollin amerikan. Ylli më i madh i botës siguroi fitoren e 13-të radhazi për skuadrën e tij.
Nuk dihet se kush mund t’ia marrë vendin e parë.

Lebron Xhejms mbetet mbreti i basketbollit amerikan e atij botëror dhe një dëshmi tjetër e dha në përballjen e fundit, atë të Klivlendit ndaj Sakramentos.
Ylli me fanelën me numër 23 në shpinë u detyrua të ishte edhe një herë në formë të madhe dhe skuadra e tij ia doli të shmangte humbjen në një ndeshje që u duk e fituar që në fillim.

Suksesi u arrit me shifrat 101-95, por Lebron sakrifikoi me 41 minuta në fushën e lojës, diçka që nuk është shumë e këshillueshme për një basketbollist në moshën 32-vjeçare.
Gjithsesi, tifozët, trajneri Lu dhe shokët e skuadrës, për momentin janë të lumtur, pasi Klivlendi arriti fitoren e 13-të radhazi në këtë sezon, duke forcuar pozitat të paktën në vendin e dytë në Konferencën Lindore.

Xhejms shënoi 32 pikë, kapi 11 topa në tabelë dhe shërbeu 9 pasime për kosh, duke qenë fare pranë një tripëll dabëlli.
Ai plotësoi bilancin me 3 vjedhje topi kundërshtarëve dhe 2 bllokime gjuajtjesh ndaj tyre.

Paraqitja e tij pati vetëm një aspekt negativ, atë që humbi 7 herë topin.
Lebron u ndihmua shumë nga Kevin Lov, që pati 18 pikë e 13 topa në tabela, ndërsa Klivlend vazhdon ndjekjen e Bostonit, që kryeson në Lindje./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono