Lampard pranë firmës si trajner i Chelsea

17:35 | 16/06/2019

Frank Lampard do të jetë trajneri i ri i Chelsea-t. Legjenda e klubit londinez është përzgjedhur nga Roman Abramoviçi si pasardhës i italianit Maurizio Sarri.

Përvoja nuk është maksimale, por emri i madh dhe ekspertiza mjaftojnë. Frank Lampard me të vërtetë do të jetë trajneri i ri i Chelsea-t, në një rikthim madhështor në skuadrën ku dha gjithçka dhe fitoi çdo gjë.

Trajneri i Dervy County-t ishte i përzgjedhuri I bluve të Londrës, që pasi ata vendosën të mos rinovonin kontratën me Maurizio Sarrin, ndonëse bisedimet ishin të gjata dhe pati disa alternativa. Përfundimit, pronari i klubit Roman Abramoviç vendosi të pranonte kërkesën e Lampardit për t’i dhënë të paktën një akord 2-vjeçar, pasi ish-mesfushori nuk deshi të pranonte marrëveshje për 1 vit.

Lampardi luajti për Chelsea-n plot 13 sezone, duke u bërë shënuesi më I mirë në historinë e klubit, dhe mesfushori me më shumë gola në të gjitha kohët për Premier Ligën. Me fanellën e famshme me numrin 8, ai fitoi gjithçka si lojtar, tre tituj kampion Angli, katër kupa të Anglisë, dy kupa të ligës, dy superkupa të Anglisë, Championsin në 2012 dhe Ligën e Europës në 2013.

Ai e nisi karrierën si trajner në maj të vitit të kaluar, me Derby County-n, duke arritur në finalen e plej ofit për në Premier Ligë, humbur ndaj Aston Villa-s.

Besimi është i madh që Lampardi do të dijë të fitojë edhe si trajner në “Stamford Bridge”, pavarësisht nga përvoja e vogël në trajning. Do të mjaftojnë ndoshta, ambicia e tij e jashtëzakonshme, përgatitja serioze dhe fakti që është legjendë e Chelsea-t./ABC News Albania 24/7


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono