Në njoftimin e publikuar në faqen zyrtare të internetit, Vëllazëria Myslimane e ka deklaruar Mursin “presidentin e parë egjiptian të zgjedhur nga populli”.

Sipas rezultateve të fundit jozyrtare, Mursi ka fituar 52 për qind të votave, ndërsa kundër-kandidati i tij, Ahmed Shafik, ka marrë 48 për qind të tyre. Autoritetet zgjedhore thonë se rezultatet zyrtare do të shpallen më 21 qershor.

Shtabi i Shafikut nuk ka bërë publik ndonjë rezultat.

Këto kanë qenë zgjedhjet e para presidenciale në Egjipt, që nga rrëzimi i Hosni Mubarak, në revoltën popullore të vitit të kaluar.