Gjermania ka garantuar mbështetjen e saj për dhënien e statusit të vendit kandidat për në Bashkimin Evropian të Shqipërisë. Një garanci e tillë i është dhënë Presidentit, Bujar Nishani nga Presidenti i Republikës Federale të Gjermanisë, Joachim Gauck. Presidenti gjerman Gauck ka uruar Presidentin me rastin e marrjes së detyrës së Tij në krye të shtetit shqiptar. Në këtë mesazh, Gauk është shprehur se "fillimi i Presidencës Suaj përkon jo vetëm me 100-vjetorin e pavarësisë së vendit Tuaj, por edhe me përvjetorin e 25-të të lidhjes së marrëdhënieve diplomatike mes Gjermanisë dhe Shqipërisë, të cilat unë dëshiroj t'i zhvilloj më tej së bashku me Ju!". Ndërkohë presidenti gjerman e siguron Presidentin Nishani se “Gjermania do të qëndrojë në krah të vendit tonë edhe në kuadër të përpjekjeve ende të domosdoshme për dhënien e statusit të vendit kandidat për në Bashkimin Evropian”.