Kurti për kufijtë: Është e domosdoshme të mos vazhdohet kjo lojë e rrezikshme

16:49 | 23/09/2018

Kryetari i lëvizjes Vetëvendosje, Albin Kurti në një konferencë për shtyp ka kërkuar që t’i jepet fund lojës së rrezikshme të korrigjimit të kufijve. Sipas tij, Thaçi nuk është serioz kur thotë se do të bashkojë Luginën e Preshevës me Kosovën.

Kryetari i lëvizjes Vetëvendosje, Albin Kurti ka ripërsëritur edhe njëherë qëndrimin e tij dhe të partisë së tij se deklaratat e presidentit Hashim Thaçi për korrigjimin e kufijve mes Kosovës dhe Serbisë, janë aventurë e tij e cila duhet të ndalet menjëherë. Kurti nënvizoi se kreu i shtetit nuk është serioz për këto deklarata pasi edhe kryeministrit të vendit i ka thënë që kjo po bëhet për shkaqe taktike.

Albin Kurti, kryetar i Lëvizjes Vetëvendosje: “Së pari kryeministri i Kosovës ka deklaruar që presidenti i Kosovës nuk e ka përnjëmend bashkëngjitjen e Medvegjes, Preshevës e Bujanovcit. Ai ka deklaruar se presidenti i Kosovës i ka thënë këtij që kjo po bëhet për shkaqe taktike e jo program të mirë organizuar shtetëror e kombëtar, prandaj kjo aventurë personale e presidentit të ndalet menjëherë”.

Kurti ka kërkuar që ekipi negociator me Serbinë të formohet vetëm pasi nga shteti fqinjë të kërkohet përgjegjësi për vrasjet e kryera, të zhdukurit, dhunimet dhe plaçkitjet gjatë luftës së fundit. Ndërkohë, Vetëvendosje pritet që më 29 shtator të mbajë protestë e cila për qëllim ka ndaljen e pazareve siç i quajnë ata në mes të presidentit të Kosovës, Hashim Thaçi dhe atij të Serbisë, Aleksandër Vuçiç.


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono