Kur ndërhyn FA? Kushtetua: Në gjendje të jashtëzakonshme dhe fatkeqësi natyrore

15:33 | 11/04/2019

Një ditë më parë mininistrja e Mbrojtjes Olta Xhaçka bëri të ditur se kishte urdhëruar vendosjen e efektivëve të Policisë Ushtarake dhe Batalionit Special të Forcave të Armatosura në perimetrin e Aeroportit Ndërkombëtar në Tiranë.  Por kur e parashikon Kushtetuta dhe ligji ndërhyrjen e Forcave të Armatosura?

Kushtetua dhe ligji përcaktojnë qartë rolin dhe misionin e Forca të Armatosura në vendin tonë.  Referuar ligjit themeltar të shtetit ato mund të përdoren në dy raste;

Në rastin e gjendjes së jashtëzakonshme dhe për parandalimin, ose mënjanimin e pasojave të një fatkeqësie natyrore.

Kushtetua e Republikës së Shqipërisë në nenin 173 të saj parashikon që:

  1. Në rast rreziku për rendin kushtetues dhe për sigurinë publike, Kuvendi, me kërkesë të Këshillit të Ministrave, mund të vendosë në një pjesë ose në të gjithë territorin e shtetit gjendjen e jashtëzakonshme, e cila zgjat për aq kohë sa vazhdon rreziku, por jo më shumë se 60 ditë.
  2. Me vendosjen e gjendjes së jashtëzakonshme ndërhyrja e forcave të armatosura bëhet me vendim të Kuvendit dhe vetëm kur forcat e policisë nuk janë në gjendje të rivendosin rendin.
  3. Zgjatja e afatit të gjendjes së jashtëzakonshme mund të bëhet vetëm me pëlqim të Kuvendit çdo 30 ditë, për një periudhë jo më shumë se 90 ditë!

Nenin 22 i ligjit të pushteteve të drejtimit e Forcave te Armatosura sqaron më tej se:

  1. Gjatë gjendjes së jashtëzakonshme Kryeministri është drejtpërdrejt përgjegjës për drejtimin e Forcave të Armatosura, përmes hierarkisë së drejtimit e të komandimit i cili pas përfundimit të kësaj gjendjeje të jashtëzakonshme i raporton Kuvendit për përdorimin e Forcave të Armatosura gjatë kësaj periudhe.

Sa i përket faktkeqësive natyrore ligji shprehet në nenin 23 të tij, ku thotë se për fatkeqësitë natyore vendos Këshilli i Ministrave, sipas dispozitave të Kushtetutës së Republikës së Shqipërisë.

  1. Me vendosjen e gjendjes së fatkeqësisë natyrore, Forcat e Armatosura, me vendim të Këshillit të Ministrave, mund të ndërhyjnë për eliminimin e pasojave të ardhura nga fatkeqësia natyrore apo aksidenti teknologjik. /abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono



TE FUNDIT