Kukësi shpall “non grata” Enea Jorgjin

16:59 | 11/02/2018

Kukësi nuk e priti aspak mirë humbjen me Kamzën në Superligë. Klubi kampion reagoi duke akuzuar gjyqtarin, Enea Jorgji, që e dëmtoi me qëllim, në bashkëpunim edhe me palë të tjera.

Ishte ky moment që i acaroi pa masë.

Drejtuesit e Kukësit e quajtën të qëllimshëm vendimin e gjyqtarit, Enea Jorgji, për të mos dhënë 11-metërsh në favor të tyre në përballjen ndaj Kamzës, ndaj edhe reaguan ashpër.

Deklarata zyrtare e klubit verior ishte që arbitri Jorgji nuk ishte më i mirëpritur në ndeshjet e tij në Superligë këtë sezon.

Kukësi akuzoi Kamzën se e kishte blerë Jorgjin, por përmendi edhe Federatën Shqiptare të Futbollit si palë në faj.

Momenti patjetër ishte i dyshimtë dhe penalltia edhe mund të akordohej, veçse reagimi i trajnerit të kampionëve, Peter Pakult, nuk ishte aspak në sintoni me atë të drejtuesve.

Ai nuk e quajti të nevojshme të bënte ndonjë koment.

Austriaku, me të drejtë, deklaroi se kjo ndeshje ishte vërtet e veçantë, duke nënkuptuar mungesën e fatit.

Peter Pakult: “Unë si trajner, është hera e parë, e humba një lojë pa snjë rast të kundërshtarit”.

Pavarësisht nga humbja, Kukësi mbetet në pretendime për t’u kualifikuar për në Europë nga kampionati, ndonëse ekziston edhe një mundësi nga Kupa e Shqipërisë.

Pakult theksoi pikërisht këtë.

Peter Pakult: “Tani s’kemi çfarë bëjmë. Na mbetet të përqëndrohemi në sfidën me Tiranën sepse kemi një ndeshje shumë të rëndësisshme të mërkurën”./abcnews.al





Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono