Kukësi, 17 trajnerë që prej 2010-s

14:15 | 19/07/201914:150

Plot 17 trajnerë janë larguar nga skuadra e Kukësit që prej vitit 2010. Statistikë, e cila tregon një rrotacion të vazhdueshëm të klubit verilindor me trajnerë të ndryshëm.

Kukësi ka vërtetuar në vazhdimësi se ka një raport tejet të ftohtë me trajnerët. Këtë e tregojnë edhe shifrat. Duke nisur nga viti 2010 nga Kukësi janë larguar plot 17 trajnerë duke përfshirë dorëheqjet dhe shkarkimet nga bordi drejtues.

E thënë ndryshe mesatarja e ndryshimeve në pankinën e klubit verilindor janë dy trajnerë në vit. Vendimi i klubit për të shkarkuar trajnerin Ernest Gjoka pasi dështoi të korrte sukses në kupat e Europës nuk është i vetmi pasi regjistrohen edhe precedentë të mëparshëm.

E si për ironi të fatit ishte pikërisht tekniku Gjoka, i cili u shkarkua nga klubi verilindor dy vite më parë për të njëjtin shkak, dështimin në Europë. Presidenti Gjici nuk e kurseu trajnerin edhe pse e shpalli Kukësin kampion për herë të parë në histori.

Një tjetër trajner shqiptar u shkarkua në verën e vitit 2016 nga skuadra e Kukësit pas dështimit në kupat e Europës. Bëhet fjale për trajnerin Hasan Lika eksperienca e të cilit me verilindorët zgjati vetëm 3 muaj.

Shkarkimet në masë tek Kukësi nuk kanë ardhur vetëm si pasojë e mos arritjes së objektivave në Europë, por edhe dështimeve në Shqipëri./ABC News Albania 24/7

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono