Kryqëzimi i Shëngjinit, aty ku trafiku i makinave është i përhershëm

13:13 | 08/11/2018

Trafiku në rrugën e Shëngjinit është i përditshëm dhe me gjithë investimet që janë bërë, qarkullimi rrugor nuk normalizohet. Kryqëzimi që ndodhet në këtë rrugë nuk e përballon dot fluksin e mjeteve.

Dalja dhe hyrja në rrugën drejt Shëngjinit do të ketë edhe në vazhdim pamje të tilla. Bllokimi i lëvizjës në pikun e sezonit turistik apo fundjavave do të ketë vetëm trajtimin e policisë rrugore. Fluksi në rritje i mjeteve që lëvizin nuk mund të përballohet nga ky kryqëzim kaq i vogël për një rrugë kaq shumë të frekuentuar. Projekti i bashkisë është realizuar pjesërisht nga qeveria, duke ndërhyre vetëm për veshjen e rrugës me asfalt. Kjo nuk i dha zgjidhje problemit të vjetër me trafikun e rënduar që krijohet pikërisht për shkak të këtij kryqëzimi.

Kryetari i dhomës së tregtisë dhe industrisë në Lezhë, Pashk Palokaj, thotë se kostoja e shtimit të policisë rrugore si pasojë e situatës që krijohet në këtë segement gjatë sezonit veror, është më e lartë se kostoja për të realizuar rrethrrotullimin dhe zgjerimin e kësaj rruge. Sipas Palokajt, vazhdojmë të mbetemi në pikën fillestare dhe pa asnjë zgjidhje për zonën turistike të Shëngjinit.

Pashk Palokaj, kryetar i Dhomës së Tregtisë dhe Insdustrisë Lezhë: “Është një problem i pazgjidhur, përfundimisht është problem i pazgjidhur. Gjithë investimi, mendoj unë, jo se ka bërë keq por nuk ka zgjidhur asnjë gjë.”

Qeveria shqiptare ndërhyri për rikonstruksinoin e rrugës së Shëngjinit në shtator të këtij viti, por pa i dhënë zgjidhje problemit me trafikun që krijohet në këtë zonë turistike kryesisht gjatë sezonit veror.

Përgatiti: Gjergj Figuri, gazetar i ABC News, Lezhë




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono