Kryeprokurori/Rama apel sërish Bashës


13:36 | 07/12/2017

Kryeministri Edi Rama i ka bërë thirrje sërish liderit demokrat të enjten që të diskutojnë zgjedhjen e kryeprokurorit të përkohshëm pas përfundimit të mandatit të kryeprokurorit Adriatik Llalla. “Lulzim Basha mos prit të ta lexojnë të huajt Kushtetutën e vendit po eja të flasim shqip për Shqipërinë, siç e kemi për detyrë nga ata që na zgjodhën”, shkroi Rama në Facebook. Thirrja e Ramës erdhi pak kohë pasi Ambasada amerikane dhe delegacioni i BE-së në Tiranë thanë se mbështesin opinionet e OPDAT dhe EURALIUS, sipas të cilëve mandati i kryeprokurorit ka përfunduar dhe Kuvendi duhet të zgjedhë një kryeprokuror të përkohshëm me shumicë të thjeshtë. Më herët të enjten Komisioni i ligjeve nisi zyrtarisht procedurat për zgjedhjen e kryeprokurorit të përkohshëm nga Kuvendi me shumicë të thjeshtë deri në konstituivin e Këshillit të Lartë të Prokurorëve, i cili do të zgjedhë përfundimisht edhe prokurorin e ri. Nisja e procesit është kundërshtuar ashpër nga Partia Demokratike, e cila thotë se Kryeprokurori duhet të zgjidhet me 84 vota dhe jo 71 nga Kuvendi ose duhet të pritet deri në konstituivin e Këshillit të Lartë të Prokurorëve, institucion i cili do të zgjedhë prokurorin e ri të përgjithshëm./abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono