Kryeministri i Libisë i bën thirrje ndërkombëtarëve për mbrojtje

07:07 | 20/01/202007:070

Kryeministri i Libisë, Fayez al-Sarraj, u bëri thirrje trupave ndërkombëtare të mbrojnë civilët në zonat e kontrolluara nga qeveria nëse kryekomandanti i forcave jolegjitime në lindje të vendit, Khalifa Haftar, vazhdon ofensivën e tij ushtarake.

Në një intervistë për të përjavshmen gjermane “Welt am Sonntag” përpara konferencës së paqes në Berlin për Libinë, al-Sarraj kërkoi nga bashkësia ndërkombëtare të marrë më shumë përgjegjësi për t’i dhënë fund dhunës.

“Nëse Khalifa Haftar nuk do të ndalojë ofensivën e tij, bashkësia ndërkombëtare duhet të marrë një qëndrim më aktiv, gjithashtu duke dërguar trupa ndërkombëtare për të mbrojtur popullsinë civile libiane”, tha ai.

Al-Sarraj nënvizoi se një forcë e tillë ndërkombëtare mbrojtëse duhet të vendoset nën ombrellën e Kombeve të Bashkuara (OKB).

“Atëherë, ekspertët duhet të diskutojnë se kush duhet të marrë pjesë në këto forca, si BE, Unioni Afrikan apo Liga Arabe”, shtoi ai.

Qeveria e njohur ndërkombëtarisht e Libisë në Tripoli ka qenë nën ofensivë nga Khalifa Haftar që nga prilli i vitit të kaluar, kurse në luftimet gjatë nëntë muajve të fundit vranë më shumë se 1.000 njerëz.

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono