Kristiano Ronaldo në historinë e Champions-it


18:17 | 07/12/2017

Kristiano Ronaldo vendosi një tjetër rekord të madh në karrierë. Ylli i Realit u bë i pari lojtar në historinë e Championsit, që shënon gol në secilën ndeshje të grupeve.

Këtë konkurrim e ka si shtëpinë e tij.
Pak rëndësi ka për Kristiano Ronaldon nëse është apo jo në formë në ligën spanjolle, pasi në Champions gjithnjë shkëlqen.
Portugezit nuk i mjaftoi që prej kohësh u bë shënuesi më i mirë në histori dhe i pari që kaloi barrierën e 100 golave.

Me rrjetën që realizoi ndaj Dortmundit në “Bernabeu”, Kristiano u bë i pari lojtar në Ligën e Kampionëve, që arrin të shënojë në çdo ndeshje të fazës së grupeve.
Ronaldo kishte shënuar dy gola në fitoren 3-1 të Realit në Dortmund.

Po ashtu, ia kishte dalë katër herë ndaj APOEL-it të Limasolit, në suksesin 3-0 në Madrid dhe 6-0 në Qipro.
Edhe kundërshtari tjetër i grupit, Totenhemi, pavarësisht se zuri vendin e parë nuk shpëtoi pa provuar këtë shije të hidhur.

Ylli 32-vjeçar ia doli të shënonte të paktën nga një herë në secilën ndeshje, në Madrid dhe në Londër, kjo e fundit e humbur 1-3.
Për të gjashtën herë në fazën e grupeve, Ronaldo u shpall golshënuesi më i mirë, ndërsa në total, ai ka shënuar 115 gola në Champions, prej të cilëve 99 me fanelën e Realit dhe 16 me Mançester Junajtidin./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono