Kristiano Ronaldo fiton Topin e Artë 2017 të “Frans Futbollit”


21:35 | 07/12/2017

Kristiano Ronaldo i shtoi një tjetër trofe të madh karrierës së tij të lavdishme. Ylli i Realit të Madridit fitoi Topin e Artë të vitit 2017, në një garë të madhe me Lionel Mesin.

Ishte e paralajmëruar, por sërish shumë emocionuese.
Një Kristiano Ronaldo që mund të quhet drejt perëndimit të karrierës, fitoi një tjetër trofe të madh, Topin e Artë të vitit 2017.
Ylli i Realit të Madridit, që ende mund të pretendojë se është më I miri futbollist në botë, e mori çmimin e madh të revistës “Frans Futboll”, në ceremoninë e organizuar në Paris.
Ky ishte Topi i pestë i Artë në karrierën e Ronaldos, që u barazua kështu me Lionel Mesin, duke qenë të dy rekordmenët, ata që e kanë fituar atë më shumë se cilido futbollist tjetër.
“Në nivel personal unë dola shënuesi më I mirë I Championsit, – tha Ronaldo, – trofetë që fitova më ndihmuan padyshim. Duhet të falenderoj shokët e mi të Realit dhe të kombëtares. Dua të falenderoj të gjithë ata që më ndihmuan që të jem këtu”.

Më herët, portugezi fitoi çmimin e lojtarit më të mirë të vitit të dhënë nga FIFA.
Pasi u përcaktua renditja deri tek vendi i tretë, në skenë u ngjitën ish-lojtari francez, Zhinola, dhe braziliani i famshëm, Ronaldo, i mbiquajtur “Fenomeni”.
Ishin ata që zbuluan emrin e Ronaldos që la pas Mesin dhe Nejmarin.
Numri 7 i Realit tani ka jo vetëm po aq Topa të Artë sa Mesi, por edhe po aq trofe Këpuca e Artë, si dhe po aq Champions të fituar, katër./abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono