Krijimi i ushtrisë së Kosovës, BE: Duhet mbështetja e të gjithë komuniteteve

17:40 | 23/10/2018

Ushtria e Kosovës duhet të krijohet me mbështetjen e të gjitha  komuniteteve në vend, dhe jo si në parlamentin e Kosovës , kur u bë një hap para për krijimin e saj, në një moment që lista serbe bojkotoi vendimin. Është ky qëndrimi i Bashkimit Europian, i shprehur nëpërmjet zyrës së BE-së në Prishtinë.

Zyrtarë të Zyrës së Bashkimit Evropian në Prishtinë janë shprehur se transformimi i Forcave të sigurisë së Kosovës duhet të bëhet vetëm në përputhje me Kushtetutën e Kosovës dhe duke marrë parasysh shqetësimet e të gjitha komuniteteve në vend.

Parlamenti i Kosovës javën e kaluar miratoi në parim tri projektligjet për transformimin e FSK-së, të cilat kundërshtuan vetëm deputetët e Listës Serbe.

Zyrtarë nga Zyra e Bashkimit Evropian në Prishtinë janë shprehur për të përditshmen kosovare “Zëri” se mbështesin një proces gjithëpërfshirës, i cili çon në miratimin e legjislacionit për transformimin e FSK-së.

“BE-ja mbetet plotësisht e angazhuar për zhvillimin dhe për prosperitetin e Kosovës si pjesë integrale e agjendës së saj për Ballkanin Perëndimor. BE-ja ka kërkuar gjithmonë një proces gjithëpërfshirës që çon në miratimin e legjislacionit për transformimin e Forcës së Sigurisë së Kosovës në përputhje me Kushtetutën e Kosovës dhe duke marrë parasysh interesat e shqetësimet e të gjitha komuniteteve në Kosovë dhe të gjithë partnerët, entitetet dhe organizatat relevante”, thuhet mes tjerash në përgjigjen e Zyrës së BE-së në Prishtinë. /abcnews.al

 


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono