Kreditë e buta/ Veliaj: U erdhëm në ndihmë 1 mijë familjeve


16:25 | 11/02/2018

Bashkia e Tiranës do të rihapë programin e kredive të buta për të pastrehët. Aplikimet e reja do të nisin në fund të muajit Shkurt. Kryebashkiaku Erion Veliaj vizitoi një nga familjet që përfituan nga kjo skemë gjatë vitit të kaluar, ku shpjegoi edhe kategoritë e përfituesve.

Në fund të muajit Shkurt, Bashkia e Tiranës do të rihapë programin e kredive të buta për familjet dhe çiftet e reja, që duan të blejnë një shtëpi.
Kryebashkiaku Erion Veliaj e ndau këtë lajm teksa u prit si mysafir në në strehëzën e ciftit Osmani në kryqyetet, të cilët përfituan nga programi i kredisë së butë vitin e kaluar.

Erion Veliaj: “Programi do të rifillojë në fund të Shkurtit. Shpesh na është dashur të shpjegojmë se Bashkia ka paketa të ndryshme, për kategori të ndryshme të shoqërisë. Që do të thotë, nëse je tërësisht në nevojë, kemi qendrat e emergjencës; nëse ke pak mundësi, kemi banesat sociale me qira minimale, 30 mijë lekë të vjetra; për dikë tjetër që thotë: ‘Jo nuk dua të jem pronar i një shtëpie’, kemi bonus qiraje. Por, kur vjen puna tek një kategori tjetër, pra për shtresën e çifteve të reja, që duan të krijojnë familjet e tyre në Tiranë, kredia e butë është një ofertë perfekte”.

Sipas kryebashiakut Veliaj programi për kreditë e buta për strehim i erdhi në ndihmë 1 mijë familjeve të reja dhe në nevojë, që nuk kishin mundësi të përballonin interesat e tregut për të blerë shtëpinë e tyre.
Ai nënvizoi se fituesit e thirrjes së dytë, duhet t’i ndjekin procedurat me bankën brenda vitit, që të shpallen fitues të kredisë së butë.
Kategoritë përfituese të programit për mbështetjen për strehim me synim përmirësimin e kushteve të jetesës së qytetarëve janë: familjet e reja; familje një prindërore me fëmijë në ngarkim; familje me më shumë se tre fëmijë; familje të shpronësuara; familje të prekura nga investime publike; familje emigrant i rikthyer, si dhe në rastet e dhunës në familje./abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono