Kosovë-Serbi, përplasje në OKB

23:14 | 14/05/2018

Ambasadorja e Kosovës në OKB, Vlora Çitaku dhe ministri i Jashtëm serb, Ivica Daçiç kanë shkëmbyer akuza në Këshillin e Sigurimit të OKB-së në lidhje me zbatimin e marrëveshjeve të arritura në bisedimet e Brukselit.

Ambasadorja e Kosovës në Shtetet e Bashkuara, Vlora Çitaku dhe ministri i Jashtëm serb Ivica Daçiç janë përplasur të hënën në një seancë të mbajtur në Këshillin e Sigurimit të OKB-së. Shkak është bërë deklarata e shefit të diplomacisë serbe, që ka kritikuar Prishtinën se nuk po zbaton marrëveshjet e arritura në bisedimet e Brukselit. Daçiç ka thënë se deklaratat e qeverisë së Kosovës, se do të lejojnë krijimin e Shoqatës së Komunave Serbe në këmbim të ulëses në OKB tregojnë se Prishtina nuk ka ndërmend të përmbushë detyrimet e saj. Nga ana e saj, Çitaku ka deklaruar se Kosova është e përkushtuar për të normalizuar marrëdhëniet me Serbinë, por ka akuzuar Beogradin se po pengon serbët e Kosovës që të integrohen. Ambasadorja i është referuar arrestimit të disa serbëve vetëm sepse i ishin bashkuar Forcës së Sigurisë së Kosovës, si dhe ndalimit që iu bë kombëtares kosovare të karatesë të marrë pjesë në kampionatin europian që mbahet në Novi Sad. Çitaku ka folur edhe për krijimin e Forcave të Armatosura të Kosovës, duke nënvizuar se Serbia në këtë rast nuk e ka të drejtën e vetos. “Ky vendim do të merret nga institucionet e Kosovës”, ka thënë Çitaku. /abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono