Kosovë, KQZ nuk certifikon kandidatët nga lista serbe

18:17 | 24/04/2019

Komisioni Qendror i Zgjedhjeve të Kosovës nuk ka certifikuar kandidatët nga lista serbe, për zgjedhjet që do të mbahen në 4 komuna të Veriut. Njëri prej anëtarëve ka kërkuar që listës serbe t’i jepet edhe 24 orë kohë që të ndërrojë 3 nga 4 kandidatët.

Kandidatët nga Lista Serbe për kryetar të komunave për zgjedhjet e jashtëzakonshme në veri të Kosovës nuk janë certifikuar nga Komisioni Qendror i Zgjedhjeve.

Shtatë anëtarë votuan pro, ndërsa anëtarët e KQZ-së nga VV-ja, Adnan Rrustemi dhe Nazlie Bala abstenuan.

Kryetarja e KQZ-së, Valdete Daka, tha se të gjitha palët që nuk janë të kënaqur me këtë vendim kanë të drejt ankese.

Anëtari i KQZ-së nga LVV-ja Adnan Rrustemi ka kërkuar edhe një herë që Listës Serbe t’i jepet afat edhe 24 orë që të ndërroj emrat e tre kandidatëve dhe të distancohet nga deklaratat që kundërshtojnë shtetësinë e Kosovës.

Tre nga kandidatët e Listës Serbe janë ish kryetarët e po të njëjtave komuna të cilët dhanë dorëheqje si shenjë pakënaqësie ndaj taksës së vendosur nga qeveria e Kosovës për produktet serbe.

Zyrtarë të Listës Serbe nga veriu kanë paralajmëruar se, nëse rizgjidhen të njëjtit në komunat përkatëse ata sërish do të dorëhiqen.

Në zgjedhjet e jashtëzakonshme në katër komunat veriore, të drejtën e votës kanë 58 520 votues, me 1 507 votues më shumë krahasuar me Zgjedhjet Lokale të datës 22 tetor 2017./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono