Kosovë, dështon seanca parlamentare

22:34 | 14/09/2018

Mungesa e kuorumit ka bërë që seanca e së premtes e Kuvendit të Kosovës të dështojë. E shtyrë disa herë gjatë ditës, edhe përpjekja e fundit për nisjen e punimeve në orën 18:00 nuk ka patur sukses. Në rend të ditës kanë qenë 40 pika, por mungesa e deputetëve të Vetëvendosjes, LDK-së, por edhe disa prej figurave të qeverisë ka pamundësuar mbajtjen e seancës.

Kryetari i Kuvendit, Kadri Veseli u ka bërë thirrje deputetëve të opozitës që të kthehen në Kuvend. Ai ka deklaruar se Kosova duhet të miratojë edhe disa marrëveshje ndërkombëtare, të cilat nëse dështojnë mund t’i kushtojnë vendit humbjen e fondeve me vlerë miliona euro. Sipas mediave kosovare, ditën për seancën e ardhshme do ta caktojë kryesia e Kuvendit./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono