Kosova miraton rezolutën për mbylljen e kazinove

13:53 | 22/03/2019

Deputetët e Kuvendit të Kosovës miratuan rezolutën me anë të së cilës i kërkohet qeverisë pezullimi i veprimtarive të lojërave të fatit. Qeveria brenda 30 ditësh është e detyruar të sjellë në Kuvend ligjin për lojërat e fatit me ndryshimet e bëra.

Kuvendi i Kosovës ka miratuar rezolutën për pezullimin e më pas ndalimin me ligj të veprimtarive të lojërave të fatit. Rezoluta është paraqitur nga partia opozitare, Lidhja Demokratike e Kosovës e cila kërkoi seancë të jashtëzakonshme pas dy vrasjeve në dy kazino të ndryshme brenda Javës.

“Lojërat e fatit, mbyllja e tyre duhet të bëhet vetëm me nismë ligjore. Mund të propozohet nga Qeveria apo deputetët, nga komisionet e Kuvendit.”.

Me anë të kësaj rezolute, qeveria obligohet të nisë procedurat ligjore për pezullimin e lojërave të fatit deri në ndryshim të ligjit. Ndërsa pika dy e rezolutës thotë se qeveria brenda 30 ditësh obligohet të sjellë ligjin që ndalon lojërat e fatit.

Para 5 ditësh është vrarë një person në një kazino në Suharekë ku dyshohet se vrarës është një polic, i cili më pas është arrestuar. Ndërsa rasti i dytë ka ndodhur para dy ditësh në Lipjan. Të dyja rastet ndërlidhen me tentim grabitje./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono