Kosova e Shqipëria në përplasje për talentet

12:46 | 26/03/2018

Konflikt i ri mes Shqipërisë dhe Kosovës për talentet e futbollit. Rasti i Edon Zhegrovës krijoi tension, dhe pati akuza nga të dyja palët.

“Molla e sherrit” këtë herë ishte ky lojtar. Shqipëria dhe Kosova u përplasën për talentin 19-vjeçar të Genkut, i cili më në fund zgjodhi shtetin më të ri të Europës.

Konkurrenca e radhës nuk kaloi pa pasoja, dhe trajneri i kombëtares, Kristian Panuçi, s’mundi të përmbahej në konferencën e tij të parë për shtyp, të mbajtur për miqësoren ndaj Norvegjisë.

Reagimet në Kosovë ishin, siç pritej, të ashpra. Sekretari i përgjithshëm i Federatës, Eroll Salihu, akuzoi Panuçin për mungesë respekti ndaj skuadrës së Kosovës, shtetit dhe futbollistit.

Vetë Zhegrova, që debutoi me gol në përfaqësuesen e Kosovës, u tregua më i qetë, por hodhi poshtë se kishte ndryshuar mendje. “Gjithnjë kam dashur Kosovën”, ishin fjalët e tij, në përgjigje të trajnerit të Shqipërisë.

Sekretari Salihu shprehu një shqetësim më të madh se thjesht për një lojtar, kur u intervistua. Polemika nuk përfundoi me kaq, pasi në skenë doli edhe trajneri i Shqipërisë U21, Alban Bushi.

Bushi: “Ti nuk e ke idenë dhe nuk e di se çfarë bën federata për t’i marrë këta lojtarë. Nuk marrim dot lojtarë me zor në ekipin kombëtar

Gjithsesi, vetë Panuçi, e pa të udhës që ta mbyllte me kaq

 “I uroj sukses Zhegrovës”

Trajneri italian e mbylli polemikën, por gjithsesi konflikti për talentet do të jetë gjithnjë I hapur, edhe nëse dy federatat arrijnë të gjejnë një marrëveshje. /abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono