Kori Gauff vazhdon sukseset

16:30 | 06/07/201916:300

Adoleshentja Kori Gauff vazhdoi sukseset në Grand Slemin e Uimbëlldonit, duke mundur edhe sllovenen Hercog. Amerikania ishte pranë humbjes, por reagoi me karakter.

E tregoi veten në momentet më të vështira dhe fitoi. Ishte seti i dytë në fushën qendrore në “All England Club”, dhe një vajzë 15-vjeçare ishte thuajse e mundur përballë një tenisteje me shumë më tepër përvojë. Kori “Coco” Gauff kishte humbur setin e parë 3-6 ndaj sllovenes Polona Hercog, dhe rivalja kishte topin për të fituar ndeshjen, me setin e dytë 5-2 në favor.

Papritur adoleshentja amerikane “prodhoi” një gjuajtje të habitshme nga “asgjëja” duke fituar pikën, dhe në atë moment, dikush nga tribuna thirri: “Presioni është privilegj”!

Nuk dihet nëse kjo batutë theu rekordin botëror të origjinalitetit, por Kori u duk e transformuar. Hercog pati dhe një tjetër top për të mbyllur ndeshjen, kur shifrat ishin 5-4, duke pasur shërbimin në duart e saj, por bëri një gabim të dyfishtë. Në përfundim, Gauff triumfoi në setin e dytë, pas “lojës vendimtare” duke fituar 9-7 dhe krejt setin 7-6.

Edhe seti i tretë ishte tepër i fortë, por 15-vjeçarja tashmë e kishte mbledhur veten dhe nuk u dorëzua derisa e mbylli 7-5. Gauff ia doli pas 2 orësh e 45 minutash, e mbështetur nga 14 000 spektatorë, dhe me praninë e prindërve të saj në tribunën mbretërore.

Amerikania nuk është më e reja që arriti në raundin e katërt në Uimbëlldon, pasi Xhenifer Kapriati, Stefi Graf apo Andrea Jeger e bënë më herët se ajo. Gjithsesi, Kori Gauff është e veçanta e këtij sezoni, dhe nuk do të dorëzohet lehtë./ABC News Albania 24/7


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Të lidhura

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono