Koreja e Veriut feston takimin Trump-Kim

13:05 | 13/06/2018

Mediat e Koresë së Veriut e konsiderojnë fitore të madhe samitin mes Kim Jong-un dhe presidentit amerikan Donald Trump. Madje raportojnë se SHBA mendon të heqë sanksionet ndaj Phenianit.

Koreja e Veriut ka festuar samitin mes udhëheqësit të tyre Kim Jong-un dhe presidentit amerikan, Donald Trump, në Singapor, duke e konsideruar si një fitore të madhe për vendin. Mediat e regjimit komunist raportojnë madje se SHBA ka ndërmend të heqë sanksionet. Dy liderët u takuan të martën dhe firmosën një deklaratë të shkurtër për çarmatosjen bërthamore dhe reduktimin e tensioneve. Presidenti Trump tha pas samitit se sanksionet do të qëndrojnë në fuqi për momentin dhe do të hiqen sapo “arsenali bërthamor të mos jetë më një faktor”.

Mediat e Koresë së Veriut kontrollohen ngushtë nga qeveria dhe raportojnë vetëm pozitivisht për aktivitetet e zyrtarëve. Raporton rrallë në aktivitetet e liderit Kim Jong-un në kohë reale. Por samiti i së martës në Singapor ishte lajmi i faqes së parë të mërkurën, me imazhe të shumta të Kim së bashku me Trump. Gazeta zyrtare Rodong Sinmun e quajti samitin “mbledhja e shekullit” në faqen e saj të parë. Agjensia shtetërore e medias KCNA publikoi një artikull entuziast në gjuhën angleze duke lavdëruar bisedimet si një ndërprerje historike nga e kaluara. Mediat e Phenainit raportojnë ndër të tjera se liderët e dy vendeve kanë rënë dakord që të shkëmbejnë vizita në shtetet respektive.

Ndërkohë, Trump njoftoi pas samitit në mënyrë të papritur se do t’i japë fund stërvitjeve ushtarake me Korenë e Jugut. Lëvizja, e kërkuar prej shumë kohësh nga Pheniani, është parë si një lëshim shumë i madh ndaj Koresë së Veriut dhe ka surprizuar aleatët e SHBA-ve në rajon. Pentagoni ka siguruar këta të fundit për përkushtimin ndaj sigurisë./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono