Komplot për vrasjen e Macron, autoritetet franceze arrestojnë 6 persona

18:43 | 06/11/201818:430

Autoritetet në Francë kanë vënë në pranga anëtarët e një grupi kriminal, që kishte përgatitur një atentat ndaj presidentit Emanuel Makron. Ndonëse të papërgatitur në aspektin profesional, autoritetet i kanë cilësuar të arrestuarit si persona me rrezikshmëri të lartë.

Të paktën 6 persona janë arrestuar në Francë në dyshimin se kishin planifikuar të kryenin një sulm të dhunshëm ndaj presidentit Emanuel Makron. Personat në fjalë, 5 burra dhe një grua, u arrestuan nga shërbimet franceze të sigurisë në rajonin BRITË’, në jug-lindje të Francës. Autoritetet kanë nisur menjëherë hetimet dhe ndaj të dyshuarve kanë ngritur akuzën e “grupit kriminal me qëllime terroriste”. “Hetimet janë fokusuar në pistën e komplotit, që të paktën deri në këtë fazë nuk ishte organizuar mirë, por parashikonte kryerjen e aksioneve të dhunshme ndaj presidentit të republikës”, ka deklaruar një prokuror i çështjes. Të dyshuarit ishin mbajtur prej kohësh nën përgjim nga agjentët e Drejtorisë së përgjithshme për sigurinë e brendshme. Ata u bllokuan nga forcat speciale në lokalitetet MOZEL dhe IZER. Lajmi vjen në një kohë kur Makron po kryen një tur në veri të Francës, për të kujtuar 100-vjetorin e armëpushimit të Luftës së Parë Botërore. Vitin e kaluar, një djalë 23-vjeçar u arrestua nën akuzën se kishte planifikuar vrasjen e presidentit francez gjatë paradës për Ditën e Bastijës, më 14 korrik, pasi policia u lajmërua nga përdoruesit e forumit të një loje elektronike. /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono