Komisioni i Ekonomisë diskuton koncesionet

16:05 | 13/11/201716:050

Pikëpyetjeve për kosto të larta nga koncesionet dhe projektet e partneritetit publik-privat, ministri i Financave iu është përgjigjur se kostot e tyre nuk do të kalojnë 5% të të ardhurave në një vit. Ky kufi sipas tij, do të mbajë nën kontroll efektet e koncesioneve në buxhet.

Përvoja jo e këndshme e kontratave koncesionare në Shqipëri, ka bërë që të diskutohen për më shumë se dy orë në Komisionin Parlamentar të Ekonomisë, kostot e kontratave të ardhshme, vlera e të cilave në partneritet me qeverinë shqiptare do të shkojë 1 miliardë euro.
Me një tavan shpenzimi prej 5% të të ardhurave në një vit, Ministri i Financave theksoi se do të shmangen rreziqet për financat publike.
Aktualisht kostot e koncesioneve dhe projekteve në partneritetit me qeverinë janë 2.4% e të ardhurave sipas tij.
Duke diskutuar dëmet e kontratave, mazhoranca dhe opozita fajsuan njëra-tjetrën. Sipas Ahmetajt, janë në total 213 kontrata koncesionare prej të cilave 178 janë lidhur para 2013-s.
Qeveria shqiptare është tërhequr nga një prishje e mundshme kontratash për shkak të kostove të larta në Arbitrazh, ndërsa ka në plan të rishikojë kontratat në sektorin e naftës.
Dyshimet e projekteve të reja e problemet e atyre të vjetrave kryqëzuan debatin, Ministri Ahmetaj theksoi se koncesioni për markimin e naftës vijon të mos përmbushë kërkesat për të markuar naftën bruto./abcnews.al

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono