Komisioneri publik ankimon vendimin e KPK për Nertina Kosovën

16:09 | 24/09/201816:090

Komisioneri publik ka ankimuar vendimin e Komisionit të Pavarur të Kualifikimit që e konsideroi të përshtatshme për të vijuar detyrën Gjyqtaren e Apelit të Krimeve të Rënda, Nertina Kosova.

Sipas komisionerit Florian Ballhysa, përfundimet e KPK-së lidhur me kriterin e vlerësimit të pasurisë për gjyqtaren Kosova nuk gjejnë mbështetje të plotë në aktet dhe provat e administruara.

Komisioneri Publik çmon se procesi i hetimit, i kryer nga Komisioni për kriterin e vlerësimit të pasurisë nuk ka qenë i plotë e për rrjedhojë përfundimet e arritura nuk janë në pajtueshmëri me provat e administruara. Shkak është pamjaftueshmëria e financiare për të shlyer blerjen e një apartamenti banimi prej 120 m2 dhe argumentimi i paprovuar për një hua të marra nga babai i gjyqtares.

Gjyqtarja e Apelit të Krimeve të Rënda, Nertina Kosova, e kishte kaluar filtrin e Komisionit të Pavarur të Kualifikimit më 18 Korrik, me përparësi për shkak të kandidimit të saj për anëtare në Këshillin e Lartë./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono