Kishte vrarë gruan e tij, ekzekutohet i dënuari me vdekje

14:24 | 17/01/202014:240

Ekzekutimi i parë i dënimit me vdekje për të këtë vit është kryer në Teksas. 64-vjeçari Xhon Gardner, në vitin 2005 kishte vrarë bashkëshorten e tij, me të cilën ishte në proces divorci.

Ka ndodhur në Teksas, shteti amerikan ku janë ekzekutuar numri më i madh i dënimeve me vdekje, ekzekutimi i parë i këtij viti.

I dënuari ishte 64 vjeçari  John Gardner, i cili vrau bashkëshorten e tij në vitin 2005. Ai u ekzekutua me një injeksion vdekjeprurës, dhe para se të vdiste, i kërkoi falje familjarëve të gruas e cila quhej Tammy Gardner.

Mediat amerikane raportojnë se çifti po divorcohej në momentin kur ai u fut në shtëpinë e gruas, dhe e qëlloi në kokë teksa ajo ndodhej në shtrat e sëmurë.

Duke kërkuar falje për dhimbjen e shkaktuar ai iu drejtua familjarëve të cilëve iu tha se shpresonte të gjenin sado pak paqe nga fjalët e tij. Në sallë ndodheshin dhe dy fëmijët e gruas, të cilëve ai iu tha se shpresonte që një ditë të mund ta falnin.

Në shtetin e Teksas këtë vit janë parashikuar dhe shtatë ekzekutime të tjera të dënimit me vdekje./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono