Kessie gjithmonë e më larg Milanit, rivalët e Seria A në sulm

10:06 | 16/11/201910:060

Në orët e fundit raportohet se edhe Napoli është interesuar për shërbimet e mesfushorit Franck Kessie. Lojtari nga Bregu i Fildishtë u la fillimisht në stol nga ana e trajnerit Stefano Pioli dhe më pas jashtë ekipit për arsye teknike. Lënia jashtë është një tjetër sinjal se ditët e Kessies në Milano janë drejt fundit.

Është folur shumë për një kalim të mesfushorit në Premier League, konkretisht tek Wolves. Transferimi i tij mund të ndodhë që në merkaton e janarit, por tani në garë është futur dhe Napoli i Ancelottit. Sipas ‘Calciomercato.com’, napoletanët kanë kontaktuar Milanin dhe agjentin e lojtarit në 48 orët e fundit.

Franck Kessie mbush 23 vjeç muajin tjetër dhe ai u transferua në Milanello në vitin 2017 nga Atalanta. ‘Djalli’ arriti marrëveshjen me bergamaskët  për dy vite huazim, e cila i kushtoi 8 milionë €, por me detyrim që të blejë kartonin 24 milionë € në vitin 2019. /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono