Këshilltari i Erdogan: Trupi i Jamal Khashoggi u shkri në acid

22:33 | 02/11/2018

Trupi i gazetarit Xhamal Kashogi është shkrirë në acid. Është ky varianti i radhës që jepet nga autoritetet turke, në një kohë kur kërkimet për kufomën e gazetarit nuk po japin rezultat.

Një zyrtar i lartë turk ka deklaruar të enjten se dyshohet se trupi i gazetarit saudit Xhamal Kashogi është shkrirë në acid pasi është copëtuar. Jasin Aktaj, njëkohësisht këshilltar i presidentit Erdogan, ka thënë se i vetmi përfundim logjik është se personat që e vranë reporterin kanë shkatërruar trupin e tij për të mos lënë asnjë gjurmë më pas. “Ata e copëtuan trupin që ta hiqnin qafe më lehtë, por tani po shohim se përveç se e copëtuan, edhe e avulluan”, ka thënë Aktaj për gazetën “Hurrjet”. Deklaratat e tij erdhën të njëjtën ditë kur e fejuara e gazetarit, Hatixhe Xhengiz u bëri thirrje liderëve botërorë që të nxjerrin përgjegjësit e vrasjes përpara drejtësisë. Apelin e saj, Xhengiz e bëri përmes një editoriali të publikuar në 5 gazeta të njohura, përfshirë “The Guardian” dhe “Washington Post”, ku shkruante dhe Kashogi. Po ashtu, në shtypin ndërkombëtar të së premtes u raportuan lajme se princi saudit i kurorës Mohamed bin Salman u kishte thënë kontakteve të tij në Shtetet e Bashkuara se Kashogi ishte një ekstremist islamik i rrezikshëm. Sipas burimeve mediatike, Salman kishte folur në telefon me një zyrtar të Shtëpisë së Bardhë përpara se gazetari të vritej. Nga ana e saj familja mbretërore ka mohuar ekzistencën e një deklarate të tillë dhe ka thënë se është e vendosur të zbulojë faktet. /abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono