Keidi Bare dhe Armando Sadiku takohen te Malaga

13:55 | 14/09/201913:550

Keidi Bare dhe Armando Sadiku kanë nisur punën së bashku tek Malaga, në ligën e dytë të Spanjës. Dy lojtarët e kombëtares shpresojnë të jenë të suksesshëm këtë sezon.

Pak ditë më parë u shtua edhe një shqiptar tjetër. Armando Sadiku u bashkua me Keidi Baren, duke u bërë lojtar i Malagës në ligën e dytë të Spanjës, me shpresën për të ringjallur një karrierë mjaft të mirë.

Sulmuesi shqiptar u prezantua dhe u stërvit për disa ditë me pjesën tjetër të skuadrës, por pa Baren, i cili ishte i grumbulluar në ekipin përfaqësues. Në përfundim të dy ndeshjeve eliminatore të Europianit, ndaj Francës në Paris dhe Islandës në “Elbasan Arena”, mesfushori ofensiv 22-vjeçar u kthye pranë skuadrës.

Vetë Malaga postoi në rrjetet sociale, një foto të dy kuqezinjve, Sadikut e Bares, që u takuan me njëri-tjetrin në aeroportin e qytetit, duke i vendosur diçiturën “lidhja e Shqipërisë”.

Bare, më në fund u bashkua me shokët e skuadrës në stërvitje, ndonëse nuk dihet nëse do të përzgjidhet për të qenë në formacion, apo mund ta nisë ndeshjen nga stoli për shkak të lodhjes në Euro 2020./ABC News Albania 24/7

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono