09:42 | 19/07/2018

Këshilli i Emërimeve në Drejtësi pritet që së shpejti të miratojë rregulloren. Kjo ishte përgjigjia që erdhi pas interesimit të ABC News pranë këtij institucioni mbi afatet dhe procedurën e miratimit të rregullores. Miratimi i saj do të bëjë të mundur zhbllokimin e procesit e plotësimit të katër vakancave në Gjykatën Kushtetuese, të mbetur vetëm me 1 anëtar nga 9 të tillë të parashikuar në Kushtetutë dhe ligj.

Nuk është gjyqtar, as prokuror, por është viktima e radhës së procesit të Vetting-ut.

Pas zhbërjes së trupës së Gjykatës Kushtetuese të mbetur vetëm me kryetarin e saj dhe gjymtimit të trupës së Gjykatës së Lartë në 6 nga 19 anëtarë, duket se Këshilli i Emërimeve në Drejtësi, i krijuar mbi ndryshimet kushtetuese të 21 Korrikut 2016, ka rënë pre e procesit të Vettingut.

Edhe pse me trupë të zgjedhur prej Tetorit 2017, me mandat kushtetues prej 1 Janarit 2018 dhe i konstituuar në 19 Mars 2018, ky Këshill, përgjegjës edhe për vlerësimin dhe renditjen e kandidatëve për gjyqtar Kushtetues, mbetet në pritje të miratimit të rregullores së saj të brendshme. Arsyet për vonesën i shpjegoi për ABC News zëdhënësja për media pranë këtij institucioni.

“Në mbledhjen e parë, u caktua grupi i punës për hartimin e rregulloreve përkatëse, i përbërë nga 3 anëtarë të KED-së, përkatësisht,  Z. Artan Broci, Zj. Altina Xhoxhaj dhe Zj.Vitore Tusha. Gjatë punës për hartimin e rregulloreve 2 prej anëtareve u erdhën materialet nga ana e Komisionit të Pavarur të Kualifikimit duke i angazhuar në mënyrë prioritare në këtë process, i cili përfundimisht shkarkoi një prej tyre. Në këto kushte e gjithë pesha e hartimit të rregulloreve mbeti mbi anëtarin Artan Broci”.

Ky i fundit, njëkohësisht kryetar i KED, si njofton vetë institucioni, ka përfunduar hartimin e rregullores duke ia përcjellë edhe anëtares Vitore Tusha, e cila ka depozituar vërejtjet dhe sugjerimet e saj. Draftet e tre rregulloreve, të cilat përcaktojnë edhe kriteret e pikëzimit të kandidatëve për gjyqtar Kushtetues presin edhe një opinion zyrtar të miisionit Euralius. Sa i përket listave me këta kandidatë të depozituar nga Gjykata e Lartë, Presidenti dhe Kuvendi…

“Janë administruar të gjitha listat dhe dokumentacionet e depozituara pranë Institucioneve respektive. Por nuk mund të nisë verifikimi i kandidateve, pa u përcaktuar më parë rregullat e shortit, të cilat janë përfshire në Rregulloret që do miratohen së shpejti”.

Pas miratimit të kësaj rregulloreje, e cila do të kthejë në funksional Këshillin e Emërimeve në Drejtësi, ky i fundit ka një afat kushtetues prej 15 ditësh për vlerësimin dhe renditjen në tre lista kandidatët për gjyqtar Kushtetues të ardhura nga Gjykata e Lartë, Presidenti dhe Kuvendi në plotësimin e katër vakancave të trupës së Gjykatës Kushtetuese./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono