Video

shano.jpg
ger ta11:16 | 06/12/2019

Ky tërmet na nxori zbuluar”. Kështu u shpreh ekonomisti Dritan Shano në studion e Abcn News me Juli Xhokaxhi.

Sipas Shanos, tërmeti i 26 nëntorit tregoi se vendi nuk kishte kapacitete për të menaxhuar situata të tilla të fatkeqësive natyrore. Teksa vlerëson punën e ekspertëve të emergjencës, ekonomisti thekson se pavarësisht kësaj në shekullin 21 nuk mund të punohet me dorë.

Ky tërmet na nxori zbuluar se më parë pamë njësinë e Kosovës që po vinte se njerëzit tanë. Respektoj tej mase punën që kanë bërë ekspertët tanë të emergjencës por nga ana tjetër them se në shekullin e 21 nuk mund të punohet me dorë.

Kur ti aplikon papërgjegjshmërinë kur nuk vë gishtin dhe nuk paguan atëherë krijon një kulturë dhe të çon te harresa e shpejtë. Më vjen të them që është koha që neve të vendosim përpara përgjegjësisë të gjithë ata që kanë shkaktuar këtë bilanc tragjik.

U bë kaq ditë që jemi përballë kësaj ngjarje, duhet të ishte vendosur protokolli se çfarë duhej bërë. Sot e kësaj ditë vërehen se janë njerëz që e thonë që s’ka ardhur njeri. Duhet vendosur një procedurë, dhe këtë duhet ta bëjnë ata që e qeverisin”, u shpreh ai.

I pyetur nga moderatorja për deklaratën e shumë përsëritur të kryeministrit Rama, i cili u drejtohet të prekurve “prit radhën”, Shano u shpreh se ky nuk është arsyetim por cinizëm.

Ky nuk është arsyetim ky është cinizëm. Në një republikë demokoratike kryeminsitri është zari, shërbëtori i qytetarit. Në rastin e tërmetit të gjithë e kanë radhën të parët. Duhen shumë ekipe që të mos lindë nevoja për të pritur radhën. Shumica e tyre u janë prishur shtëpitë, kush e ka radhën i pari?’, tha Shano./abcnews.al

arta-dollani.jpg
ger ta10:46 | 06/12/2019

Tërmeti i 26 Nëntorit, ka shkaktuar dëme të mëdha në monumentet e kulturës. Për të folur për këtë situatë ishte sot në “Abc-ja e Mëngjesit” me Enkel Demin, Arta Dollani, drejtore e Institutit të Monumenteve.

Dollani bëri me dije se kanë psuar dëmtime, kalaja e Krujës, ajo e Prezës dhe kulla në Durrës, ndërsa është vënë perimetri i sigurisë.

Objektete dhe monumentet e Kulturës janë të dëmtuara, kulla C në Durrës, janë shkëputur pjesë. Rikuperimi i objekteve të kulturës është i ndryshëm nga ai i banimeve, merr një kohë më të gjatë.

Të sigurojmë objektin që të mos ketë më dëmtime të mëtejshme  dhe më pas të sigurojmë restaurimin. Mënyrat e ndërhyrjes janë të ndryshme.

Amfiteatri në Durrës në pamje të parë nuk duket se ka pësuar gjë, por do presim edhe ekspertë ndërkombëtarë.

Kruja hyn te grupi i vogël i monumenteve që kanë dëmtime. Kulla në kalanë e Krujws, ka probleme ka pasur çarje të mureve, rënie, çarje shumë serioze dhe kemi vendosur një perimetër sigurime. Kulla paraqet dëme shumë serioze këtë duhet ta themi, por nuk është e parikuperushme.

Kalaja e Prezë, tjetër monument që u dëmtua nga ky tërmet. Kupola e kullës u shkëput dhe një pjesë e mureve janë çarë, por paraqet dëme të të vogla. Edhe aty është vendosur një perimetër sigurie”, u shpreh Dollani./abcnews.al

celaaa.jpg
nev ila10:02 | 06/12/2019

Gjatë fjalës së mbajtur Kryeprokurori i ri i sapozgjedhur Olsian Çela, tha se vendi është duke kaluar një situatë të vështirë për shkak të tërmetit të 26 nëntorit. Çela theksoi se në këtë rast Prokuroria duhet të spikasë dhe angazhohet maksimalisht dhe të tregojë se është në lartësinë e duhur pasi njerëzit po kërkojnë drejtësi.

“Njerëzit sot kërkojnë drejtësi, njerëzit sot  kërkojnë që, më në fund në këtë vend, të fillojnë gjërat të bëhen konkrete, dhe është një rast, pavarësisht se vjen nga një fatkeqësi shumë e madhe për vendin, që duhet të tregojmë, se jemi në lartësinë e asaj që pret vendi, që njerëzit presin nga ne”, tha Çela.

Kryeprokurori i sapozgjedhur gjithashtu tha se Institucioni i Prokurorisë së Përgjithshme duhet ti japë jetë ideve të reja dhe rikonceptim të ri për funksionimin e këtij institucioni.

“Është e rëndësishme si kurrë më parë që transparenca jonë si institucion duhet të sigurojmë ndaj medias, si mënyra më e mirë për të rritur besimin e institucioneve, besimin e publikut te puna e prokurorisë. Vlerësoj shumë zonjën Marku për punën që ka bërë. Natyrisht që tani hyjmë në një fazë të re ku po ndërtohen institucionet e reja të drejtësisë, ka një konceptim tërësor të spektrit të së drejtës. Prokuroria ka pësuar ndryshim rrënjësor dhe kërkohet një rikonceptim të ri se si ky organ duhet të funksionojë. Në këto kushte mendoj se ka tashmë ka mundësi që institucioni i Prokurorisë së Përgjithshme të japë një kontribut mjaft të rëndësishëm për të ndryshuar dhe për ti dhënë jetë ideve të reja. Sot ndodhemi në një situatë të vështirë, gjendemi në një krizë për shkak të ngjarjeve të fund muajit nëntor, besoj se përgjigja që prokuroria duhet të japë në rastin konkret duhet të spikasë në raport edhe me atë që po bëjnë institucionet e tjera, pasi njerëzit sot kërkojnë drejtësi njerëzit sot  kërkojnë që më në fund në këtë vend të fillojnë gjërat të bëhen konkrete, dhe është një rast, pavarësisht se vjen nga një fatkeqësi shumë e madhe për vendin, është një rast që duhet të tregojmë se jemi në lartësinë e asaj që pret vendi, që njerëzit presin nga ne. Kjo kërkon një angazhim maksimal, jam i bindur që do t’iu gjejmë të gjithë mekanizmat dhe format e duhura, për të arritur atë çka duhet. Jam i bindur që me kolegët këtu do bëjmë një punë shumë të mirë, çdo gjë nuk shkojnë vaj por ndryshimet janë gjithmonë pozitive, mendoj se jemi në rrugën e duhur dhe e ardhmja do të jetë më e mirë”, tha Çela./abcnews.al

olsjan-cela-arta-marku.jpg
ger ta09:36 | 06/12/2019

Arta Marku dorëzoi sot detyrën e saj si Kryeprokurore e Përgjithshme e Përkohshme.

Marku u shpreh se ndihet e vlerësuar që drejtoi organin qendror të akuzës në këto dy vite të vështira dhe se ndihet e lumtur që ia dorëzoi detyrën një ish shoku të klasës, Olsian Çelës.

Ndihem shumë e vlerësuar që pata mundësinë për të drejtuar Prokurorinë në këto dy vite të vështira. Sistemi i drejtësisë është në një proces reformimi të thellë, kanë munguar dhe vazhdojnë të mungojnë disa institucione. Jam munduar që prej ditës së parë të punoj me përkushtim ashtu siç duhet të bëjë çdo zyrtar i shtetit. Dështiroj të falenderoj të gjitë stafin që më kanë ndihmuar në këto dy vite. Një falenderim të veçantë kam për mediat, falenderoj për hapësirën që më keni kushtuar qoftë kur keni qenë dashamirës qofotë kur keni qënë dashamirë, qoftë kur keni qenë edhe më pak. Urime Prokurorit të Përgjithshëm. Jam shumë e lumtur që detyrën ia pasoj një ish shokut tim të klasës”, tha Marku.

Olsian Çela u votua dje në Kuvend me 101 vota pro, 2 kundër, dhe 10 abstenim. Ndërkohë, Arta Marku mori 11 vota pro, 78 abstenim dhe 22 kundër. Fatjona Memçaj mori 8 vota pro, 18 kundër dhe 87 vota abstenim.

Po ashtu Çela mori edhe konfirmimin nga KLP pasi u rendit i pari në listë./abcnews.al

 

arben-zenelaj.jpg
ger ta08:41 | 06/12/2019

Arben Zenelaj, Drejtor i spitalit të Traumës, ishte sot në studion “Abc-ja e Mëngjesit’ me Enkel Demin, ku diskutuan për situatën e tërmetit të 26 nëntorit.

Spitali i Traumës priti një numër të konsiderueshëm të pacientëve që mbetën të plagosur nga tërmeti i 26 nëntorit. Mes të tjerah Zenelaj u shpreh se brenda një ore stafi i spitalit u dyfishua.

Ndërkohë, i pyetur nga Enkel Demi për rastin e Saimir Grekut i cili doli i gjallë nga rrënojat, por humbi jetën në spital, mjeku tha se kjo vjen nga dëmtimi i indeve.

Pjesë nga biseda në studio:

Kjo është e ndryshme për faktin se i gjithë stafi ishin të përfshirë vetë në këtë ngjarje, ishte një tërmet që na preku të gjithëve. Gatishmëria ka qenë e plotë që në momentin e parë. Brenda një ore stafi i spitalit është dyfishuar.

Ajo që të bën përshtypje, përveç njerëzve që patën trauma të forta kishte një dyndje të madhe njerëzish që ishin të frikësuar dhe ju nuk kthyet asnjë mbrapsh. Ku e gjenit kohën?

E vërtetë është që ajo ju thoni ne jo vetëm që nuk kthyen askënd por ofruam një shërbim maksimal për të gjithë, u krijuan disa urgjenca brenda minutave të para të ngjarjes. Në atë moment u dyfishua numri i shtretërve në urgjencë . Mund t’ju them edhe një detaj që askush nuk e ka konstatuar atë ditë. Ne diferencuam edhe familjarët e pacientëve që ishin më rëndë nga ata që ishin më lehtë. Ata që ishin më rëndë ne i mbajtëm më afër dhe shumë merreshin me qetësimin e familjarëve. Une kam bërë dy dalje publike atë ditë.

Ne ekemi përjetuar shumë keq se e përjetuam me një gëzim të madh nxjerrjen nga rrënoja të Saimir Gregut dhe ai iku shpejt në spital, por humbi jetën. Pse vdes njeriu pasi ia del t’u mbijetojë rrënojave?

Kryesisht pacientët që qendrojnë për një periudhë të gjatë nën pesha të rënda, mund tii rezistojë transportit, por ndryshimin në qeliza janë të parikuperushme, reagojnë indet e buta, nuk mjaftojnë vetëm thyerje, muskujt ligamentet që shkaktojnë dëmtime të tilla që reagojnë te veshkat. Reagojnë duke prodhuar toksina që bllokojnë funksionin e veshkave.

Ju i ndani emergjencat në bazë të ngjyrave, kjo besoj ishte ngjyrë e kuqe, ju bëheni aktivë?

Padiskutim.

Ne raportonim nga sptali dhe kishte edhe informacione nga spitali, ju nuk e bllkuat?

Jo nuk shtë bërë ashjë veprim, sigurisht duhet të ishim të kujdesshëm në dhënien e infmacionit. Duhet të ishim të kujdeshshëm që ata që vinin të ishin të përcaktura nga vinin.

Patët humbje njerëzore?

Patëm dy humbje njerëzore, që në momentet e para i përcaktuam se ishim pothuaj të pamundur për t’ja dalë. Përcaktuam edhe pacientet që mund të transportoheshin dhe ata që nuk do ia dilnin.

Transportimet si bëhen në raste të tilla?

Situatat emergjente bëjnë edhe veprime emergjente. Vërtet që nuk kishin dokumente, por  vinin më pas, e rëndësishme ishte shërbimi shëndetësor ndërmjet tyre.

A ju tha njeri falemenderit në fund të ditës?

Patjetër që na thanë, ka qenë kryemimistri, ministrja. Kemi edhe veprime që duhet t’i përmrësojme. Veç falenderimit ne kemi edhe anën tjetër që e shihim me një ndjenjë tjetër për të përmirësuar punën në të ardhmen./abcnews.al

 

dakoooo.png
R D00:02 | 06/12/2019

Kryeministri Edi Rama ishte pasditen në Durrës, duke inspektuar punën që po bëhet për heqjen e inerteve të godinave të shembura nga termeti. Pamjet e publikuara në facebook, shoqërohen me statusin: “Në Durrës, ku punohet papushim për heqjen e inerteve deri në pastrimin e plotë, sapo kryhet marrja e mostrave dhe plotësohet dokumentacioni hetimor”. Ndërsa gjatë bisedës me ministrin fuqiplotë Blendi Çuci, ai shprehet: “Nuk duhet të shpëtojë asnjë nga ata që kanë përgjegjësi penale”.

Kamerat e ERTV janë të fokusuara gjatë gjithë kohës tek Rama dhe Çuçi… Papritur në fund shfaqet vetëm për pak sekonda ish-kryetari i Bashkisë së Durrësit, Vangjush Dako.

Dako thotë vetëm një fjali: Po bëj unë një gjë për ato letrat.

Ndërsa Rama përgjigjet : Ok!

Pyetja që shtrohet është: Për çfarë letrash po kujdeset Vangjush Dako, kur ai nuk ka asnjë funksion zyrtar?!

/Abcnews.al

 

*Video e ERTV-së

prito.jpg
in a21:19 | 05/12/2019

I ftuar në “Mbrëmje në ABC” me Mirela Milorin, kreu i Partisë Republikane Fatmir Mediu është shprehur se dialogu politik është shumë i rëndësishëm në këtë situatë në të cilën ndodhet sot vendi, i cili edhe u godit nga një tërmet i fuqishëm duke shkaktuar dëme të mëdha.

“Ka ardhur koha që të ndërtohet një strukturë që ka efekt të shpejtë të ndihmës së parë, duhet një batalion i specializuar për shërbimet e emergjencës”, tha Mediu.

Ndër të tjera Mediu tha se Qeveria duhet të bëjë punën e qeverisë dhe njerëzit e punës duhet të bëjnë punën. Marrin autoritete që nuk i takon punën e specialistit. Kjo situatë ka nevojë për një kuptim të përbashkët, ajo pjesë e shëndoshë e shoqërisë shqiptare duhet të bashkohet, politika duhet të bëjë një hap me mbrapa për ti dhënë mundësi të mirës të ecë përpara.

Nuk jemi në nivelin  duhur, Ministria e Mbrojtjes duhet të bëjë një analizë se si duhet të menaxhojë situata të tilla.

“Samiti i NATO-s ishte i një rëndësie të veçantë, duhet parë si ndërtimi i një strukturë ushtarake që i shërbejnë vendit. Ne si forca politike duhet të japim mbështetjen e duhur”, u shpreh Mediu.

Sa i përket rrjetit 5G që është dhe shumë i diskutuar, sipas tij ka një efekt shumë të rëndësishëm, benefitet sipas Mediut janë rreth 3 trilion dollarë.

Në një kohë kur vendi po përballet më goditjen që mori nga tërmeti Mediu thotë se zgjedhjet e parakohshme duhet të ishin bërë kohë më parë, “jemi në një situatë traume shoqërorë edhe pse zgjedhjet gjithmonë ngjallin shpresë. Ai thekson se nuk do të ndikonin negativisht në një situatë të tillë, por këto zgjedhje nuk mund të bëhen për një moment afatshkurtër./abcnews.al

mediu.jpg
in a20:15 | 05/12/2019

I ftuar në “Mbrëmje në ABC” me Mirela Milorin, kreu i Partisë Republikane Fatmir Mediu e ka vlerësuar shkarkimin e Arben Malajt si të padrejtë, sipas tij është një veprim dashakeq që nuk sjell asgjë të mirë.

“Një lojë e nisur edhe më parë nga Rama i cili realizoi në një rrugë të paligjshme”, tha Mediu.

Mediu u ndal te tërmeti që goditi Shqipërinë ku edhe theksoi se ishte një goditje që do ta rëndojë edhe më shumë krizën me të cilën përballet vendi. Drejtuar politikanëve ai thotë se nuk duhet të bëjnë politikë me këtë situatë sepse njerëzit kanë nevojë për zgjidhje emergjente.

Shërbimet e emergjencave shqiptare në krahasim me ato të huaja kanë shumë dallim sipas tij edhe pse ai thekson se nuk mund të hidhet tej sakrifica a atyre njerëzve për të shpëtuar qytetarët e mbetur në rrënoja.

“Ka ardhur koha që të ndërtohet një strukturë që ka efekt të shpejtë të ndihmës së parë, duhet një batalion i specializuar për shërbimet e emergjencës”, tha Mediu.

Ndër të tjera Mediu tha se qeveria duhet të bëjë punën e qeverisë dhe njerëzit e punës duhet të bëjnë punën. “Marrin autoritete që nuk i takon të bëjnë punën e specialistit. Kjo situatë ka nevojë për një kuptim të përbashkët, ajo pjesë e shëndoshë e shoqërisë shqiptare duhet të bashkohet, politika duhet të bëjë një hap me mbrapa për ti dhënë mundësi të mirës të ecë përpara”, u shpreh Mediu.

/abcnews.al

vide.jpg
in a20:07 | 05/12/2019

Një aksident ka ndodhur në aksin Shkodër- Koplik ku për pasojë  2 mjete janë përplasur me njëra-tjetrën. Nga aksidenti 1 person ka mbetur i vdekur dhe 3 të tjerë janë plagosur.

Mësohet se 63-vjeçarja ka humbur jetën si pasojë e një aksidenti të ndodhur në aksin Shkodër-Koplik, pranë fshatit Shtoj i Vjetër.

Viktima është identifikuar si Marije Leka, ndërsa nga aksidenti mësohet se kanë mbetur të plagosur edhe 3 persona të tjerë.

Nga informacionet e para raportohet se një mjet tip Benz është përplasur me një kamion rreth orës 17:50.

Të plagosurit u transportuan në spital për ndihmë mjekësore.

Po punohet për zbardhjen e plotë të rrethanave të aksidentit.

/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono