Video

SINKRON-BASHA-PLATFORMA-ANTIMAFJA.mpg_snapshot_01.04-1280x743.jpg
G. P.12:14 | 24/09/2018

Pas propozimit për Vettingun e politikanëve, të depozituar në Kuvendin e Shqipërisë në formën e amendamenteve kushtetuese, demokratët prezantuan shtyllën e dytë të platformës së opozitës së bashkuar.

“Marrëdhënia midis krimit dhe politikës nuk është mjaftuar me shkatërrimin e demokracisë, me kapjen dhe prishjen e zgjedhjeve, me kapjen e drejtësisë dhe shkatërrimin e reformës në drejtësi, por ka avancuar si një kancër në një fushë tjetër në ekonominë shqiptare”, tha Basha.

Alternativa e opozitës për këtë? Amendimi i ligjit antimafia me qëllim hetimin, verifikimin dhe në rast evidentimi të abuzimit edhe sekuestrim të pasurisë; kjo me fuqi prapavepruese.

“Jo vetëm për sot, nesër, por dhe dje. Do t’i nënshtrohen këtij filtri nga zyrtari më i thjeshtë deri tek kryeminsitri”, tha Alibeaj.

Ky proces, që do të nisë me verifikimin e çdo kontrate apo akti publik të dyshimtë si përfitues nga buxheti i shtetit apo pasuritë e paluajtshme në pronësi të tij, mund të çojë në konfiskim të pasurisë, jo ndjekje penale të subjektit dhe është ky i fundit ai që ka barrën e provës, ashtu si gjyqtarët dhe prokurorët në rastin e vettingut, shpjegon Alibeaj.

“Mekanizmi antimafia është tërësisht i ndarë nga procesi penal. Verifikimi do të bëhet nga një drejtori antikorrupsion për të cilin kemi marrë modelin britanik. Efekti i parë, i merren paratëe përfituara në mënyrë klienteliste dhe korruptive i merren dhe i kthehen qytetarëve dhe bashkë me të edhe pasuria”, u shpreh Alibeaj.

Ligji është i detajuar dhe përcakton kompetencat specifike të gjithë këtij procesi, sipas demokratëve dhe ka për synim zhbërjen e faturës abuzive që për selinë blu arrin shifrën e 2.18 miliardë eurove./abcnews.al

OK-HETIMET-PER-SAFET-BAJRIN.mpg_snapshot_00.17-1280x720.jpg
G. P.12:08 | 24/09/2018

Gjykata e Shkodrës ka dhënë masë sigurie arrest me burg për Safet Bajri. Sipas burimeve nga gjykata, kjo masë ishte për llogari të belgëve, të cilët kanë çuar dosjen në ngarkim të tij në këtë gjykatë.

Gjykata e Shkodrës la arrest me burg Safet Bajrin për krimet në Belgjikë. Më herët, FNSH-ja dhe forcat e Policisë, blinduan territorin kur Safet Bajri, i arrestuari i klanit Bajri, u fut në gjykatë për të marrë masën e sigurisë. Ai u arrestua bashke me 10 persona të tjerë, por Gjykata e Krimeve të Renda vendosi masën e sigurisë për ta. Kurse për Safet Bajrin vendosi  Gjykata e Shkodrës, pasi sipas një procedure dosja per krimet e Belgjikës, ka shkuar në këtë gjykatë.

Avokati i klientit nuk pranoi të flasë për mediat, por as nga gjykata dhe prokuroria nuk u dha asnjë informacion rreth dosjes së Belgjikës. Vetë Bajri nuk foli në gjykatë kur iu komunikua masa e arrestit. Më 25/01/2017, Safet Rustemi u dënua nga Gjykata e Apelit e Brukselit me 9 vjet burg si kreu i një bande kriminale që përpiqej të kontrollonte skenën e drogës dhe prostitucionit në Bruksel. Më herët në 22 shkurt 2014, ai ishte dënuar nga Gjykata Penale e Brukselit me një burgim prej 9 vjetësh si kreu i një bande kriminale që merret me importin dhe trafik droge. Po të njëjtën ditë, ai dënohet me pesë vjet burgim për posedim dhe trafikim droge dhe heqje të paligjshme të lirisë përmes kërcënimeve me vdekje./abcnews.al

SAFET-BAJRI-NE-SHKODER-MBULIM_ABC-M2-T1.mpg_snapshot_00.28-1280x713.jpg
G. P.11:34 | 24/09/2018

Gjykata e Shkodrës u blindua sot nga FNSH-ja dhe forcat e Policisë, pasi është sjellë para gjykatësve Safet Bajri, i arrestuari i klanit Bajri, për të marrë masën e sigurisë. Ai u arrestua bashkë me 10 persona të tjerë, por do jetë Gjykata e Kremive të Rënda ajo që do të vendosë masën e sigurisë për ta. Kurse për Safet Bajrin do të vendosë Gjykata e Shkodrës, pasi sipas një procedure ai do të njihet me dosjen nga Belgjika përmes kësaj trupe juristësh.

Më 25/01/2017, Safet Rustemi u dënua nga Gjykata e Apelit e Brukselit me 9 vjet burg si kreu i një bande kriminale që përpiqej të kontrollonte skenën e drogës dhe prostitucionit në Bruksel. Më 22 shkurt 2014, ai përsëri dënohet nga Gjykata Penale e Brukselit me një burgim prej 9 vjetësh si kreu i një bande kriminale që merret me importin dhe trafik droge. Po të njëjtën ditë, ai dënohet me pesë vjet burgim për posedim dhe trafikim droge dhe heqje të paligjshme të lirisë përmes kërcënimeve me vdekje./abcnews.al

 

AKSIDENT-NE-LEZHE-MBULIM_ABC-M1-T1.mpg_snapshot_00.02-1280x720.jpg
G. P.10:01 | 24/09/2018

Një person u plagos rëndë në një aksident rrugor i cili ndodhi në orët e para të mëngjesit. Ngjarja u regjistrua në rrugën Lezhë-Laç pranë fshatit Gajush. Sipas policisë, një automjet u aksidentua me një motoçikletë dhe si pasojë drejtuesi i kësaj të fundit mbeti i plagosur rëndë. Policia thotë se i plagosur është Edmond Zeneli 25 vjeç, i cili është dërguar në spital për ndihmë mjekësore. Policia shoqëroi drejtuesin e makinës dhe po punon për gjetjen e shkaqeve të ngjarjes./abcnews.al

 

rruga.jpg
G. P.21:53 | 23/09/2018

Mungesa e mbikalimeve në zonat e populluara vazhdon t’u shkaktojë probleme banorëve. Ata përdorin trafikndarëset për të kaluar nga njëra anë e rrugës në anën tjetër. Kjo situatë është kritike në rrugën Plepa-Shkozet.

“Tashmë është bërë e zakonshme që banorët, banesat apo bizneset e të cilëve ndodhen në dy anët e kësaj rruge të kalojnë trafikndarësen me ane të këtyre shkallëve të improvizuara”, raporton gazetarja e ABC News, Enkeleda Arapi.

Ky banor, banesa e të cilit ndodhet pranë unazës Plepa-Shkozet e kalon rrugën në këtë mënyrë disa herë në ditë. Shkalla shërben për të kapërcyer lehtësisht lartësinë trafikndarëses. Por, nga ana tjetër rrezikon jetën e përdoruesve të saj.

Mbikalimet e pamjaftueshme për këmbësorët përgjatë unazës ka shtuar numrin e të tilla kalesave. Në të gjithë autostraden gjen me dhjetëra të vendosura në të dy anët e trafikndarëses.

Banorët thonë se edhe pse mbeten të ekspozuar ndaj rrezikut, në mungesë të mbikalimeve, kjo është e vetmja mënyrë për të kaluar rrugën. Në të gjjthë gjatësinë rrugës, e urbanizuar në të dy anët e saj janë vendosur vetëm dy mbikalime.

Edhe ato të vendosura në vende të gabuara me më pak lëvizje. Unaza Plepa-Shkozet pjesë e By Pass-it të Durrësit, vazhdimisht është bërë objekt diskutimesh mes ekspertëve, banorëve dhe drejtuesve të autoritetit rrugor për shkak të rrezikshmërisë që paraqet.

Në të gjithë gjatësinë e saj vihet re mungesa e elementeve të sigurisë, pavarësisht se konsiderohet ndër arteriet kryesore të vendit, për të lidhur jugun me veriun. E vetmja masë e marrë, por pa e zgjidhur problemin është kufizimi i shpejtësisë në 40 kilometra në orë.

Por, në të shumtën e rasteve nuk respektohet nga drejtuesit e automjeteve, çka rrit rrezikun e aksidenteve, kryesisht për banorët dhe bizneset e pozicionuara në të dyja anët e rrugës./abcnews.al

shengjinii.jpg
G. P.21:40 | 23/09/2018

Në këtë periudhë çmimet në bregdetin e Shëngjinit janë të arsyeshme dhe kjo ka joshur shumë pushues nga Kosova që vazhdojnë ta frekuentojnë. Këtë fundjavë për shkak dhe të temperaturave të larta, plazhi ishte i populluar.

Pushimet në bregdetin e Shëngjinit vazhdojnë. Temperaturat e larta edhe gjatë javës së 3-të të Shtatorit kanë bërë që pushuesit të preferojnë detin si zgjedhjen e tyre të parë.

Krahas motit edhe çmimet e favorshme të kësaj periudhe janë arsye që zona turistike e Shëngjinit frekuentohet nga pushues dhe vizitorë të shumtë.

Qytetarët e Kosovës jane ata që më së shumti i drejtohen Shëngjinit dhe bregdetit të tij për të pushuar.

Ky fluks ende i lartë ka bërë që sezoni të zgjatet e për pasojë edhe bizneset të vijojnë të shërbejnë në zonë.

Kjo është një mundësi për ta parë përtej stinës së verës dhe intensitetit të larte të muajve Korrik e Gusht dhe në Shëngjin kjo po ndodh./abcnews.al

heida-durooo.jpg
G. P.19:59 | 23/09/2018

Kanë mbetur edhe pak ditë nga afatet ligjore të mbylljes së konkursit të krijmtarisë i hapur nën shenjëën e vitit të Gjergj Kastriotit Skënderbeut. Drejtorja e politikave dhe strategjive të zhvillimit kulturor pranë Ministrisë së Kulturës, Herida Duro thotë se interesi më ë madh deri tani është shfaqur nga krijuesit në gjininë e baletit, megjithatë nuk mungojnë krijimet edhe në opera dhe muzikale. Duro zbulon se fituesi i këtij konkursi do të inaugurojë godinën e re të Teatrit të Operas dhe Baletit vjeshtën e ardhshme.

Vitet e fundit, krijmtaria muzikore ka pësuar rrudhje të ndjeshme. Nxitja dhe nxjerrja në pah e talenit ka qenë synimi kryesor i hapjes së konkursit në fushën e operas, baletit dhe muzikalit nga Ministria e Kulturës në bashkëpunim me Teatrin Kombëtar të Operas, Baletit dhe Asamblit Popullor.

Drejtorja e politikave dhe strategjive të zhvillimit kulturor pranë Ministrisë së Kulturës, Herida Duro thotë se interesi më i madh deri tani që kanë mbetur edhe pak kohë nga përfundimi i aftatit 6-mujor të hapjes së këtij komkursi ka qenë në gjininë e baletit.

Afati kohor për dorëzimin e demove në tre gjinitë, balet, opera dhe muzikal është deri më 11 Tetor për çdo krijues.  Duro është e vetëdijshëm se për krijmtarinë koha nuk është kurrë e mjaftueshme, por duhen respektuar afatet ligjore. Në këtë konkurs çdo gjini është vlerësuar monetarisht me 3 milionë lekë.

Produksionet fituese do të përfshihen në kalendarin artistik të Teatrit Kombëtar të Operas, Baletit dhe Asamblit Popullor si dhe mendohet të inaugurojnë godinën e re sipas Duros.

Ky konkurs që nga 11 Prilli është hapur edhe për brezin e ri, për t’i stimuluar si krijues që në hapat e parë dhe fituesi do të shpërblehet me 5 mijë lekë. Ky është konkursi i parë i hapur pas viteve ‘90, e ku artistët kanë qenë të lirë të shprehin ndjesitë e tyre pa tematikë të përcaktuar./abcnews.al

frekuentues.jpg
G. P.19:11 | 23/09/2018

Plazhi i Divjakës ka joshur më shumë pushues nga qytetet afër tij për të kaluar këto ditë të nxehta. Grupe të organizuara zbarkuan këtë fundjavë në këtë pjesë të bregdetit.

Ditët e plazhit në Shtator për Divjakën janë të rralla, por moti i nxehtë ka rezervuar edhe vjeshtën për pushuesit.

Ata kanë ardhur kryesisht nga Shqipëria e Mesme, Tirana apo Elbasani. Po shfrytëzojnë rrezet e forta të diellit , i cili këtë fundjavë ka ngrohur edhe ujin e detin.

Të gjithë në det për fundjavë. Të organizuar kanë ardhur grupe njerëzish nga qytete të ndryshme të vendit.

Termometri shënon mbi 32 gradë dhe bregdeti është mundësia më e mirë për t’i shpëtuar vapës.

Plazhistët kanë hapësira më të mëdha për të shfrytëzuar në bregdet, rëra dhe uji është më i pastër dhe shërbimet më të lira.

Edhe peshkimi këto ditë po argëton amatorët e këtij sporti. Ujërat në këtë periudhë janë më të pastra dhe hapësirat më të mëdha për të ushtruar peshkimin. /abcnews.al

ferdinand.jpg
G. P.17:38 | 23/09/2018

I ftuar në studion e ABC News gazetari Ferdinand Samarxhi. Një diskutim për kremtimin e Ditës së Ashures nga besimtarët bektashinj. Një festë e shënuar e kalendarit fetar.

U rrëfye një historik u shkurtër rreth kësaj feste dhe rëndësia e saj për praktikuesit e fesë përkatëse.
“Çdo cermoni bektashizmin interpreton himin e atij vendi ku kremtohet.”
Samarxhi tregoi se fjala “Ashura” vjen nga arabishtja dhe rrjedh nga rrënja “ashr” që në gjuhën arabe do të thotë dhjetë. Dita e Ashures është dita e dhjetë e muajit Muharem.

Dita e Ashures është një ditë e shënuar, duke qenë se përkon me një sërë ngjarjesh të rëndësishme në historinë Islame. Në këtë ditë është pranuar pendesa e Hz. Ademit, është ndaluar në malin Xhud anija e Hz. Nuhut, ka lindur dhe ka dalë nga flakët e zjarrit pa u djegur Hz. Ibrahimi, është shëruar nga sëmundja e gjatë Hz. Ejubi, ka shpëtuar nga barku i peshkut Hz. Junusi, është ngjitur në qiell Hz. Isai. Po në këtë ditë ka rënë dëshmor në vendin e Qerbelasë nipi i dashur i profetit, Hysejni, Allahu e mëshiroftë.

Si përfundim u tha se, megjithëse kjo ditë është konceptuar si një qerasje ëmbëlsire, Dita e Ashures është e rëndësishme për nga vlera shpirtërore që simbolizon dhe atmosfera vëllazërore që sjell.

bajrajt.jpg
G. P.14:31 | 23/09/2018

Gjykata për Krimet e Rënda pritet të verifikojë të hënën masat e sigurisë “arrest në burg” dhënë në mungesë për 11 të arrestuarit si anëtarë të grupit kriminal “Bajri”. Të arrestuarit do të dalin pra Krimeve në orën 14:00.

Nëntë personat e arrestuar në Shqipëri gjatë operacionit policor të “Oaz”, si anëtarë të grupit kriminal “Bajri” pritet të dalin të hënën në orën 14:00 para një trupi gjykues te Krimeve të Rënda. Kjo gjykatë do të verifikojë masat e sigurisë “arrest në burg”, caktuar më herët në mungesë për ta. Burime pranë institucionit bënë me dije se prokuroria do t’i qëndrojë të njëjtës masë sigurie.

Gjatë së dielës, gjykata ka bërë njoftimet përkatëse për Komisariatet e Policisë u mbahen të arrestuarit, si edhe për burgun e “Shën Kollit” ku qëndrojnë tre personat e arrestuar javën e parë të Shtatorit pas kontrolleve policore në Shkodër.

Operacioni “Oaz” u mbyll mbrëmjen e së shtunës, në përfundim të një hetimi 6-mujor të koordinuar mes Policisë dhe Prokurorisë për Krimet e Rënda dhe agjencive partnere Holandë me 11 të arrestuar në Tiranë, Shkodër e Roterdam dhe dy persona të shpallur në kërkim.

Sipas prokurorisë, grupi i dominuar nga anëtarë të fisit Bajri kryente aktivitet kriminal brenda dhe jashtë vendit, ku spikaste përfshirja në trafikun e drogërave të rënda edhe “gjobvënia”. Bazuar në dhjetëra orë përgjime, informacione të shkëmbyera me partnerët dhe veprimeve proaktive në terren, Prokuroria ka dokumentuar deri tani se anëtarë të këtij grupimi janë autorë të dy vrasjeve të ndodhura gati dy dekada më parë në Shkodër.

E para është vrasja e Arbën Tuzit, në shkurt të vitit 2001, ndërsa tjetra vrasja e 15-vjeçares Fabiola Bajri në vitin 2002, bashkëjetuese e njërit prej të arrestuarve. Vrasja e së resë është raportuar fillimisht si vetëvrasje, ndonëse vajza ishte qëlluar me një plumb, ndërsa arma pranë saj u gjet me fishek gati për qitje.

Mes të arrestuarve janë dhe Safet Bajri dhe vëllai i tij Ilir Rustemi, të konsideruar si njerëzit kryesorë të grupit. Në role të ndryshme anëtarët e grupit dyshohet të kenë konsumuar 10 vepra penale, ku nuk mungojnë as dyshimet për pastrim parash, apo trukim të ndeshjeve sportive./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono